تارازدا “زەربۇلاق” دەمالىس كەشەنى اشىلدى، دەپ حابارلايدى “ادىرنا”.
تارازدىق تۇرعىندار مەن قوناقتار ءۇشىن جاز مەزگىلى جاقسى وتپەك. سەبەبى استانا كۇنى مەرەكەسىنە وراي قالادا حالىقارالىق دەڭگەيدە ءتۋريزمدى دامىتۋ اياسىندا زەربۇلاق كولىندە ەلىمىزدەگى ءىرى مادەني-ساۋىقتىرۋ وتباسىلىق دەمالىس ايماقتارىنىڭ ءبىرى پايدالانۋعا بەرىلدى.
كەشەننىڭ اشىلۋ سالتاناتىنا وبلىس باسشىسى نۇرجان نۇرجىگىتوۆ، وبلىستىق بيلەر كەڭەسىنىڭ توراعاسى وڭلاسىن ەسىركەپوۆ كەشەن ديرەكتورى ايبەك ورشۋبەكوۆپەن بىرگە اۋقىمدى نىساننىڭ لەنتاسىن قيىپ، ارالاپ كوردى. اۋقىمدى جوبا وڭىردەگى ءتۋريزمدى دامىتۋ باعدارلاماسى شەڭبەرىندە قولعا الىنعان.
قۇنى 1,2 ميلليارد تەڭگەنى قۇرايتىن كەشەن جالپى 1,9 گەكتار اۋماقتى الىپ جاتىر. سىيىمدىلىعى 2000 ادامعا شاقتالعان. مۇندا ءتۇرلى اتكەنشەك، تولقىندى باسسەين سەكىلدى زاماناۋي قۇرىلعىلار ورناتىلعان.
«South Holiday» جشس-ءنىڭ باسشىسى ايبەك ورشۋبەكوۆتىڭ ايتۋىنشا، ورتالىق ازياداعى ءىرى اكۆاپاركتەردىڭ ءبىرى سانالاتىن بۇل كەشەندە الداعى ۋاقىتتا بەس جۇلدىزدى قوناق ءۇي، ويىن-ساۋىق جانە وزگە دە سەرۆيستىك ورتالىقتار ىسكە قوسىلماق.
سالتاناتتى تۇردە پايدالانۋعا بەرگەن دەمالىس ايماعى قالا تۇرعىندارى مەن قوناقتارىنىڭ سۇيىكتى دەمالىس ورىندارىنىڭ بىرىنە اينالارى ءسوزسىز.
