تارازداعى اۋدانداردىڭ بىرىندە توعىز قاباتتى تۇرعىن ۇيدەگى پاتەردەن زورلىق-زومبىلىق بەلگىلەرى بار ەكى ايەل ادامنىڭ ءولى دەنەسى تابىلدى، دەپ حابارلايدى "ادىرنا" ۇلتتىق پورتالى.
بۇل تۋرالى كتك مالىمدەدى.
پوليتسيا مارقۇمداردىڭ ءبىرى 46, ال ەكىنشىسى 54 جاستا بولعانىن حابارلادى. مارقۇمداردىڭ ءبىرى الماتىدان تارازعا كەلگەن.
قازىر پوليتسيا كۇدىكتىنى ىزدەستىرۋ جۇمىستارىن جۇرگىزىپ جاتىر.
«كىسى ءولتىرۋ فاكتىسى بويىنشا سوتقا دەيىنگى تەرگەۋ باستالدى. وقيعا ورنىنا جامبىل وبلىستىق پوليتسيا دەپارتامەنتىنىڭ تەرگەۋ-وپەراتيۆتىك توبى مەن باسشىلىعى باردى. كۇدىكتىنى انىقتاۋ جانە ۇستاۋ ءۇشىن قاجەتتى بارلىق تەرگەۋ جانە جەدەل-ىزدەستىرۋ شارالارى جۇرگىزىلىپ جاتىر. قىلمىستىق ءىس جۇرگىزۋ كودەكسىنىڭ 201-بابىنا سايكەس باسقا مالىمەتتەر جاريالاۋعا جاتپايدى»، – دەپ ءتۇسىندىردى جامبىل وبلىستىق پوليتسيا دەپارتامەنتىنىڭ ءباسپاسوز قىزمەتىنىڭ جەتەكشىسى گۇلسارا مۇحتارقۇلوۆا.
