تارازدىق شەنەۋنىكتەر ون دانا باتارەيكانى 9 ملن تەڭگەگە ساتىپ الماق بولدى، دەپ حابارلايدى "ادىرنا" ۇلتتىق پورتالى حابار24 ارناسىنا سىلتەمە جاساپ.
بۇنداي باعا وبلىستىق تسيفرلىق تەحنولوگيالار باسقارماسىنىڭ مەملەكەتتىك ساتىپ الۋ سايتىندا كورسەتىلگەن. ەگەر جوسپار جۇزەگە اسقاندا ەڭ ارزانى 70 تەڭگە تۇراتىن باتارەيكانىڭ ءاربىر داناسىنا قازىنادان 901 مىڭ 700 تەڭگە جۇمسالاتىن ەدى. ابىروي بولعاندا، اقجاعالىلاردىڭ ارەكەتىنە سىبايلاس جەمقورلىققا قارسى ءىس-قيمىل دەپارتامەنتى قىزمەتكەرلەرى مەن كاسىپكەرلەر پالاتاسىنىڭ وكىلدەرى توسقاۋىل قويدى.
ولار ۇسىنىس حات جازىپ، تاۋار قۇنىن 299 تەڭگەگە دەيىن تومەندەتكەن. ناتيجەسىندە 9 ملن تەڭگە ۇنەمدەلدى. سالا ماماندارى اتالعان وقيعا تاپسىرىس بەرۋ كەزىندەگى قاتەلىكتەن بولدى دەپ ءتۇسىندىردى. دەگەنمەن، تاۋار قۇنىن نارىقتاعىدان شارىقتاتىپ كورسەتۋ وزگە سالالاردا دا بايقالعان.
داۋرەن وماروۆ، وبلىستىق سىبايلاس جەمقورلىققا قارسى ءىس-قيمىل دەپارتامەنتىنىڭ باسقارما باسشىسى:
- سول سياقتى جاعداي تاراز قالاسى ءبىلىم بولىمىنە قاتىستى ماسەلە بولعان. ول جەردە كومپيۋتەرلەردىڭ باعاسى 380 مىڭعا الامىز دەپ جوسپارلانعان بولسا ونىڭ نارىقتاعى باعاسى 280-300 مىڭ تەڭگە تۇراتىنى بەلگىلى بولدى. سوعان دا بايلانىستى ۇسىنىس حات جولداعان بولاتىنبىز. سونىڭ ناتيجەسىندە 16 ملنعا جۋىق ۇنەمدەۋ جاعدايلارى بولىپ جاتىر.
