تارازدا جاڭا جىل ءتۇنى ەكى بىردەي ءورت بولدى، دەپ حابارلايدى «ادىرنا» ءتىلشىسى.
31 جەلتوقسان كۇنى ساعات 22:18-دە بەس قاباتتى تۇرعىن ءۇيدىڭ بەسىنشى قاباتىنداعى قىلتيمادا ءورت شىعىپ، كەيىن ءورت عيماراتتىڭ بۇكىل شاتىر اۋماعىنا تارالعان. وقيعا ورنىنا ءورتتىڭ جوعارى شاقىرتۋ بويىنشا كۇشتەر مەن قۇرالدار جەدەل تۇردە جىبەرىلگەن. ءورت ءسوندىرۋ بولىمشەلەرى كەلگەن ساتتە شاتىردىڭ تولىق اشىق جانۋى بايقالعان.
جامبىل وبلىسىنىڭ تجد كۇشتەرىمەن 100 ادام، ونىڭ ىشىندە 30 بالا ەۆاكۋاتسيالانعان. ءورت 00:13-تە الدىن الا 900 شارشى مەتر اۋماقتا تولىق سوندىرىلگەن.
ودان بولەك، جاڭا جىل ءتۇنى جامبىل داڭعىلى بويىندا ەكى قاباتتى رەستوران عيماراتىنا جاپسارلاس سالىنعان جازدىق الاڭشا ورتەنگەن.
وقيعا ورنىنا جەدەل جەتكەن جامبىل وبلىسىنىڭ تجد كۇشتەرى مەيرامحانادان شامامەن 100 ادامدى ەۆاكۋاتسيالاعان. جەدەل قابىلدانعان شارالاردىڭ ناتيجەسىندە ءورتتىڭ مەيرامحانانىڭ نەگىزگى عيماراتىنا جانە جانىندا ورنالاسقان جانارماي قۇيۋ بەكەتىنە تارالۋىنا جول بەرىلگەن جوق.
ءورت 300 شارشى مەتر الاڭدا سوندىرىلگەن. زارداپ شەككەندەر جوق. ءورتتىڭ سەبەبى انىقتالۋدا.
