Tarazda “Zerbulaq” demalys kesheni ashyldy, dep habarlaıdy “Adyrna”.
Tarazdyq turǵyndar men qonaqtar úshin jaz mezgili jaqsy ótpek. Sebebi Astana kúni merekesine oraı qalada halyqaralyq deńgeıde týrızmdi damytý aıasynda Zerbulaq kólinde elimizdegi iri mádenı-saýyqtyrý otbasylyq demalys aımaqtarynyń biri paıdalanýǵa berildi.
Keshenniń ashylý saltanatyna oblys basshysy Nurjan Nurjigitov, oblystyq bıler keńesiniń tóraǵasy Ońlasyn Esirkepov keshen dırektory Aıbek Orshýbekovpen birge aýqymdy nysannyń lentasyn qıyp, aralap kórdi. Aýqymdy joba óńirdegi týrızmdi damytý baǵdarlamasy sheńberinde qolǵa alynǵan.
Quny 1,2 mıllıard teńgeni quraıtyn keshen jalpy 1,9 gektar aýmaqty alyp jatyr. Syıymdylyǵy 2000 adamǵa shaqtalǵan. Munda túrli átkenshek, tolqyndy basseın sekildi zamanaýı qurylǵylar ornatylǵan.
«South Holiday» JShS-niń basshysy Aıbek Orshýbekovtiń aıtýynsha, Ortalyq Azııadaǵy iri akvaparkterdiń biri sanalatyn bul keshende aldaǵy ýaqytta bes juldyzdy qonaq úı, oıyn-saýyq jáne ózge de servıstik ortalyqtar iske qosylmaq.
Saltanatty túrde paıdalanýǵa bergen demalys aımaǵy qala turǵyndary men qonaqtarynyń súıikti demalys oryndarynyń birine aınalary sózsiz.
