قاراعاندى وبلىسىنىڭ پوليتسيا دەپارتامەنتى جۋرناليست ديانا ساپارقىزىنان تەرگەۋشى جالعاس تۇرسىنوۆتىڭ زاڭسىز ارەكەتى ءۇشىن كەشىرىم سۇرادى، دەپ حابارلايدى «ادىرنا» ءتىلشىسى قازتاگ اگەنتتىگىنە سىلتەمە جاساپ.
«كەشە تۇنگى ساعات 00.00 شاماسىندا بەلگىسىز ازامات ديانا ساپارقىزىنىڭ ەسىگىن قاعىپ، تىنىشتىعىن بۇزعان. بۇل ازامات پوليتسيا بولىمشەسىنە جەتكىزىلدى. 39 جاستاعى قالا تۇرعىنىنا قاتىستى قر اقبتك-ءنىڭ 437-بابىنىڭ 1-بولىگى بويىنشا حاتتاما تولتىرىلىپ، بەس ايلىق ەسەپتىك كورسەتكىش مولشەرىندە ايىپپۇل سالىندى»،—دەدى وبلىستىق پوليتسيا دەپارتامەنتىنىڭ ءباسپاسوز حاتشىسى باقىتجان قۇدياروۆ.ايۋىنشا، باسقارما باسشىلىعىنىڭ تاپسىرماسى بويىنشا ۇيىمداسقان قىلمىسقا قارسى كۇرەس باسقارماسى مەن كيبەرقىلمىسپەن كۇرەس دەپارتامەنتى قاراعاندىلىق ازاماتقا ءجۋرناليستىڭ مەكەن-جايىن ناقتى كىم بەرگەنىن جانە ونىڭ مەكەن-جايى قانداي ارنالار ارقىلى بەرىلگەنىن انىقتايتىن بولادى.
«ميحايلوۆسكي پوليتسيا قىزمەتكەرلەرى تاراپىنان جۋرناليست ديانا ساپارقىزى ارىز جازۋعا ارەكەتتەنگەن كەزدە وعان قاتىستى ورەسكەل ارەكەتتەر جاسالدى. بۇل فاكتى بويىنشا جەكە تەكسەرۋ باستالدى. وسى تەكسەرۋ ناتيجەسىندە اتالعان قىزمەتكەرلەر جاۋاپكەرشىلىككە تارتىلادى. باسقارمانىڭ رەسمي وكىلى رەتىندە جىبەرىلگەن قاتەلىكتەر ءۇشىن كەشىرىم سۇرايمىن»،—دەپ تولىقتىردى ول.ەسكە سالايىق، بۇعان دەيىن ديانا ساپارقىزى ءوزىن بالاعاتتاپ، كۇش كورسەتكەن قازاقستاندىق پوليتسەيلەردىڭ زاڭسىز ارەكەتىنە شاعىمدانعان ەدى.
ۇقساس جاڭالىقتار
