Qaraǧandy oblysynyŋ polisiia departamentı jurnalist Diana Saparqyzynan tergeuşı Jalǧas Tūrsynovtyŋ zaŋsyz äreketı üşın keşırım sūrady, dep habarlaidy «Adyrna» tılşısı QazTAG agenttıgıne sılteme jasap.
«Keşe tüngı saǧat 00.00 şamasynda belgısız azamat Diana Saparqyzynyŋ esıgın qaǧyp, tynyştyǧyn būzǧan. Būl azamat polisiia bölımşesıne jetkızıldı. 39 jastaǧy qala tūrǧynyna qatysty QR ÄQBtK-nıŋ 437-babynyŋ 1-bölıgı boiynşa hattama toltyrylyp, bes ailyq eseptık körsetkış mölşerınde aiyppūl salyndy»,—dedı oblystyq polisiia departamentınıŋ baspasöz hatşysy Baqytjan Qūdiiarov.Aiuynşa, basqarma basşylyǧynyŋ tapsyrmasy boiynşa ūiymdasqan qylmysqa qarsy küres basqarmasy men kiberqylmyspen küres departamentı qaraǧandylyq azamatqa jurnalistıŋ meken-jaiyn naqty kım bergenın jäne onyŋ meken-jaiy qandai arnalar arqyly berılgenın anyqtaityn bolady.
«Mihailovskii polisiia qyzmetkerlerı tarapynan jurnalist Diana Saparqyzy aryz jazuǧa ärekettengen kezde oǧan qatysty öreskel äreketter jasaldy. Būl faktı boiynşa jeke tekseru bastaldy. Osy tekseru nätijesınde atalǧan qyzmetkerler jauapkerşılıkke tartylady. Basqarmanyŋ resmi ökılı retınde jıberılgen qatelıkter üşın keşırım sūraimyn»,—dep tolyqtyrdy ol.Eske salaiyq, būǧan deiın Diana Saparqyzy özın balaǧattap, küş körsetken qazaqstandyq poliseilerdıŋ zaŋsyz äreketıne şaǧymdanǧan edı.
Ūqsas jaŋalyqtar
