شىعىس قازاقستان وبلىسى، زايسان اۋدانىنىڭ شىلىكتى اۋىلدىق وكرۋگىنىڭ اكىمى قۋانىش تولەۋحان قوعامدىق تىڭداۋ كەزىندە بەيادەپ سوزدەر ايتقانى ءۇشىن كەشىرىم سۇرادى، دەپ حابارلايدى "ادىرنا" ۇلتتىق پورتالى.
8 قازان كۇنى الەۋمەتتىك جەلىلەردە اكىمنىڭ كەشىرىم سۇراعان ۆيدەوسى تارادى. بەينەجازبادا قۋانىش تولەۋحان ءوزىنىڭ تۋعان اۋىلىندا قىزمەت ەتىپ جۇرگەنىن ايتىپ، جاعدايعا بايلانىستى تۇسىنىكتەمە بەردى.
«كەشە بىزدە قوعامدىق تىڭداۋ ءوتتى. بىراق بەلگىسىز ادامدار كەلىپ، وعان كەدەرگى كەلتىردى. ناتيجەسىندە تىڭداۋ بەس ساعاتقا سوزىلدى. سول ساتتە مەن ەموتسياعا بەرىلىپ، بەيادەپ ءسوز ايتىپ قويدىم. بۇل ارەكەتىم ءۇشىن شىلىكتى اۋىلدىق وكرۋگىنىڭ حالقىنان كەشىرىم سۇرايمىن»، — دەدى اكىم.
ۇقساس جاڭالىقتار
