قازاقستاننىڭ رەسەيدەگى ەلشىلىگى قازاقستان ازاماتتارىنا ارناپ مالىمدەمە جاسادى. بۇل تۋرالى قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگى رەسمي حابارلاماسىندا جاريالادى، دەپ حابارلايدى “ادىرنا” ءتىلشىسى.
ەلشىلىك رەسەيدىڭ ۋكراينامەن شەكارالاس ايماقتارىندا ورىن العان قاۋىپسىزدىك جاعدايلارىنا بايلانىستى بۇل ايماقتارعا بارماۋعا كەڭەس بەردى.
رەسەي فەدەراتسياسىندا، اسىرەسە ۋكراينامەن شەكارالاس ايماقتاردا جۇرگەن ەلىمىزدىڭ بارلىق ازاماتتارىنان قازاقستاننىڭ رەسەيدەگى ەلشىلىگىندە كونسۋلدىق ەسەپكە تۇرۋلارىڭىز مىندەتتى تۇردە ۇسىنىلادى، – دەلىنگەن حابارلامادا.
توتەنشە جاعداي تۋىنداعاندا قازاقستان ازاماتتارىنا بارلىق قاجەتتى كومەك پەن قولداۋ كورسەتىلەدى.
ەسكە سالا كەتەيىك، “ۆاگنەر” جەكە اسكەري كومپانياسىنىڭ جەتەكشىسى ەۆگەني پريگوجين رەسەيدىڭ قورعانىس مينيسترلىگى اسكەريلەرگە سوققى جاساعانىن مالىمدەگەن ەدى. كەيىن پريگوجين رەسەيدە “ادىلدىك مارشىن” وتكىزەتىنىن حابارلادى.
