مالشىلاردىڭ زەينەتكە شىعۋ جاسىن تومەندەتۋ كەرەك. بۇل ۇسىنىستى ءماجىلىس دەپۋتاتى ارداق نازاروۆ ايتتى، دەپ حابارلايدى «ادىرنا» ءتىلشىسى.
ول شارۋا ادامى مەن مالشىنىڭ جۇمىسى اۋىر ەكەنىن اتاپ ءوتتى.
«اسكەري قىزمەتكەر سياقتى 25 جىل توقتاۋسىز مال باققان ادامدى زەينەتكە شىعارۋ كەرەك. كەزىندە مالشى مارتەبەسى بيىك بولعانى سونشالىق «باتىر، سوتسياليستىك ەڭبەك ەرلەرى»جولسەيىت مولداسانوۆ، جازىلبەك قۋانىشباەۆ سىندى اتالارىمىز ءالى ەل ەسىندە. اتالعان قۇرمەت پەن ەسكەرۋلەر، جاعداي جاسالسا، مالشىنىڭ مارتەبەسى كوتەرىلىپ، بىلىكتىلىگى ارتادى. كەيىنگى بۋىن اراسىنان اتا كاسىپكە بەت بۇرۋشىلار مەن قىزىعۋشىلاردىڭ سانى كوبەيەدى»،—دەدى ول.
دەپۋتات ءماجىلىس وتىرىسىندا مالشىلارعا بىرقاتار جەڭىلدىك بەرۋدى ۇسىندى. اتاپ ايتساق:
— جىلىنا ءبىر رەت مالشىنى جانۇياسىمەن بىرگە تەگىن مەديتسينالىق قىزمەتتەردەن وتكىزىپ، شيپاجايعا دەمالۋعا جولداما بەرۋ;
— ەڭبەك باعدارلاماسى ارقىلى مەملەكەتتەن بەلگىلى ءبىر پايىزدا جالاقى تولەۋ;
— قولجەتىمدى تۇرعىن ۇيمەن قامتاماسىز ەتۋ;
— زەينەتكە شىعۋ جاسىن تومەندەتۋ، 25 جىل توقتاۋسىز مال باققان ادامدى زەينەت دەمالىسىنا شىعارۋ;
— مالشى بالالارىن بالاباقشامەن قامتاماسىز ەتۋ، مەكتەپ جاسىنداعى بالالارىنىڭ جاقسى ءبىلىم الۋىنا جاعداي جاساپ، ارنايى ينتەرناتتار اشۋ;
— بىلىكتى شارۋالار مەن مالشىلاردى «ەڭبەك ەرى» اتاعىمەن ماراپاتتاۋ.
