ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا سەنات وتىرىسىنان كەيىن جۋرناليستەردىڭ زەينەت جاسىن تومەندەتۋ تۋرالى سۇراعىنا جاۋاپ بەردى، دەپ حابارلايدى «ادىرنا» ۇلتتىق پورتالى.
«ءبىز 1998 جىلى زەينەتاقى جۇيەسىن رەفورمالادىق. سوعان ساي 1998 جىلدىڭ 1 قاڭتارىنا دەيىن ەڭبەك ءوتىلى بار ازاماتتار عانا مەملەكەتتەن ەڭبەك زەينەتاقىسىن جانە قوسىمشا بازالىق زەينەتاقىنى الادى. ەگەر زەينەت جاسىن تومەندەتسەك، زەينەتاقى دا وتە تومەن بولادى»، - دەيدى تامارا دۇيسەنوۆا.
سونداي-اق، مينيستر ازاماتتاردىڭ 63 جاستى كۇتپەي-اق زەينەتكە ەرتە شىعۋعا مۇمكىندىگى بارىن، ەل ازاماتتارىنا بەلگىلەنگەن مەرزىمدى كۇتپەي، 50 جاستا زەينەتكە شىعۋىنا بولاتىنىن ايتتى. ول ءۇشىن زەينەتاقى جۇيەڭىز تالاپقا ساي بولۋ كەرەك.
«ازاماتتار 1998 جىلدان كەيىن جيناقتاۋشى زەينەتاقىعا ءوز ۋاقىتىندا قوسىلىپ وتىرسا، جارناسى دۇرىس بولسا، 63 ەمەس، ءتىپتى 50 جاسىندا زەينەتكە شىعىپ كەتۋگە مۇمكىندىگى بار دەپ زاڭدا جازىلىپ قويعان. بۇل ەر ازاماتتارعا عانا ەمەس، ايەلدەرگە دە قاتىستى»، - دەيدى مينيستر.
«ادىرنا» ۇلتتىق پورتالى
