Malshylardyń zeınetke shyǵý jasyn tómendetý kerek. Bul usynysty Májilis depýtaty Ardaq Nazarov aıtty, dep habarlaıdy «Adyrna» tilshisi.
Ol sharýa adamy men malshynyń jumysy aýyr ekenin atap ótti.
«Áskerı qyzmetker sııaqty 25 jyl toqtaýsyz mal baqqan adamdy zeınetke shyǵarý kerek. Kezinde malshy mártebesi bıik bolǵany sonshalyq «Batyr, Soıalıstik Eńbek Erleri»Jolseıit Moldasanov, Jazylbek Qýanyshbaev syndy atalarymyz áli el esinde. Atalǵan qurmet pen eskerýler, jaǵdaı jasalsa, malshynyń mártebesi kóterilip, biliktiligi artady. Keıingi býyn arasynan ata kásipke bet burýshylar men qyzyǵýshylardyń sany kóbeıedi»,—dedi ol.
Depýtat Májilis otyrysynda malshylarǵa birqatar jeńildik berýdi usyndy. Atap aıtsaq:
— jylyna bir ret malshyny januıasymen birge tegin medıınalyq qyzmetterden ótkizip, shıpajaıǵa demalýǵa joldama berý;
— Eńbek baǵdarlamasy arqyly memleketten belgili bir paıyzda jalaqy tóleý;
— qoljetimdi turǵyn úımen qamtamasyz etý;
— zeınetke shyǵý jasyn tómendetý, 25 jyl toqtaýsyz mal baqqan adamdy zeınet demalysyna shyǵarý;
— malshy balalaryn balabaqshamen qamtamasyz etý, mektep jasyndaǵy balalarynyń jaqsy bilim alýyna jaǵdaı jasap, arnaıy ınternattar ashý;
— bilikti sharýalar men malshylardy «Eńbek Eri» ataǵymen marapattaý.