پاۆلودار وبلىسىندا ادامدار مىنگەن اۆتوبۋس شاحتا ماڭىندا جەر استىنا قۇلاپ كەتتى، دەپ حابارلايدى "ادىرنا" ۇلتتىق پورتالى.
وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى حابارلاعانداي، 4 قاڭتار كۇنى ساعات 01:25 شاماسىندا پاۆلودار وبلىسى باياناۋىل اۋدانىندا، مايقايىڭ كەنىشىنىڭ ماڭىندا ءتورت جولاۋشىسى بار اۆتوبۋس شاحتا ماڭىنداعى شۇڭقىرعا قۇلاپ كەتكەن.
ۆەدومستۆونىڭ ءباسپاسوز قىزمەتىنىڭ مالىمەتىنشە، وپىرىلعان جەردىڭ ۇزىندىعى 150-200 مەتر، ەنى 500 مەتر، وپىرىلعان جەردىڭ تەرەڭدىگى 150 مەتر.
"اپات كەزىندە اۆتوبۋستا تجك پۆاسس پاۆلودار فيليالىنىڭ ءۇش قۇتقارۋشىسى مەن جۇرگىزۋشىسى بولعان. شاحتادان 33 جۇمىسشى ەۆاكۋاتسيالاندى، ولاردىڭ ءومىرى مەن دەنساۋلىعىنا قاۋىپ جوق", - دەپ حابارلادى ۆەدومستۆونىڭ ءباسپاسوز قىزمەتى.
اۆاريالىق-قۇتقارۋ جۇمىستارىنا «مايقاينزولوتو» اق كاسىبي اسكەريلەندىرىلگەن اۆاريالىق-قۇتقارۋ جۇمىستارى قىزمەتىنىڭ پاۆلودار فيليالىنىڭ، جەرگىلىكتى اتقارۋشى ورگانداردىڭ، سونداي-اق توتەنشە جاعدايلار ءبولىمىنىڭ قۇتقارۋشىلارىنىڭ كۇشتەرى مەن قۇرالدارى جۇمىلدىرىلدى. بارلىعى 44 ادام، 13 تەحنيكا جانە ءبىر ۇشقىشسىز ۇشۋ اپپاراتى (درون) جۇمىلدىرىلعان.
"ادىرنا" ۇلتتىق پورتالى
