Qosh bol 4 %. Shirik "Mazdany" shandyr jippen baılap, jeńildetilgen avtonesıe baǵdarlamasy ashylǵanda jańa kólik alamyn dep júrgenderdiń sońǵy úmiti úzildi.
Byltyr dál osy ýaqytta 4 paıyzdyq avtonesıe baǵdarlamasy ashylyp, ol 30 jylǵa arnalady dep atqaminerler aýyzdaryn kópirtken edi. Biraq bir jylǵa jetpeı toqtady.
Endi revolverlik júıemen jınaqtalǵan aqsha avtobýs parkin jańalaýǵa jumsalady deıdi Indýstrııa mınıstri. Marat Qarabaev aımaqtardaǵy qoǵamdyq kólikter ábden tozǵan, sondyqtan 4 paıyzǵa arnalǵan aqshany avtobýstar satyp alýǵa baǵyttaımyz dep aıdy aspanǵa shyǵardy.
Qolynan boq kelmeıtin mınıstrler osylaısha jap-jaqsy memlekettik baǵdarlamanyń byt-shytyn shyǵardy. Qazir elimizde 4 paıyzdyń ashylǵanyn kútip júrgen 40-50 myń azamat bar.
Indýstrııa mınıstrligi sol qarapaıym halyqtyń emes jolaýshylar tasymalymen aınalysatyn sanaýly toptyń lobbıine búıregin burdy. Sebebi kóptegen qalalarda qoǵamdyq kólikter qalalyq ákimdikke emes jeke kompanııalarǵa tıesili. Sondyqtan avtobýstaryn jańartý memlekettiń emes kásipkerdiń moınynda bolýy tıis.
