تۇركىستان وبلىسى اكىمىنىڭ ورىنباسارى نۇرالحان كوشەروۆ ۆەتنامنان كەلگەن كاسىپكەرلەردى قابىلدادى.
“Thanh Dat Group” كومپانياسىنىڭ باس ديرەكتورى NGUYEN Dinh Chien مىرزا دەلەگاتسيا قۇرامىن تانىستىرىپ، 20 جىلدىق تاريحى بار كومپانيانىڭ مۇمكىندىگى جايلى ايتىپ ءوتتى.
ءوز كەزەگىندە، شەتەلدىك ينۆەستور تۇركىستان قالاسىنان قوناق ءۇي اشۋ يدەياسىن ايتىپ، ارنايى چارتەرلىك اۋە تاسىمالدارىن اشۋ جونىندە نيەتىن ءبىلدىردى.
ايتا كەتەيىك، Thanh Dat Group - شتاب-پاتەرى ۆەتنامنىڭ دانانگ قالاسىندا ورنالاسقان كوپ سالالى ەكونوميكالىق توپ. توپ قىزمەتىنىڭ نەگىزگى باعىتتارى جىلجىمايتىن مۇلىككە اۋقىمدى ينۆەستيتسيالار، ينفراقۇرىلىمدى دامىتۋ، قۇرىلىس، بورىشتىق مىندەتتەمەلەر ساۋداسى، سونداي-اق دانانگ قالاسىنداعى الەۋمەتتىك تۇرعىن ءۇي جوبالارىنا بىرلەسكەن دامۋ جانە ينۆەستيتسيالار بولىپ تابىلادى.
