Qazaq Air اۋە كومپانياسىنىڭ اتاۋى VietJet Kazakhstan بوپ وزگەرەدى. بۇل تۋرالى استانادا وتكەن قازاقستان مەن ۆەتنام اراسىنداعى ىسكەرلىك كەزدەسۋدە «سامۇرىق-قازىنا» اكتسيونەرلىك قوعامىنىڭ باسقارما توراعاسى نۇرلان جاقىپوۆ ايتتى، دەپ حابارلايدى “ادىرنا” ۇلتتىق پورتالى.
«مامىلە جەكەشەلەندىرۋدىڭ كەشەندى جوسپارى اياسىندا جۇزەگە استى. ساتىپ الۋشى — SOVICO Group كومپانياسى. مامىلەنىڭ كەيىنگە قالدىرىلعان بارلىق شارتتارى ورىندالدى، تولەم تولىق كولەمدە قابىلداندى. ال اكتسيالار ينۆەستوردىڭ ەسەپشوتىنا اۋدارىلدى»، — دەگەن ول.
ايتا كەتەيىك، بۇعان دەيىن ۆەتنامدىق SOVICO Group كومپانياسى قازاقستاندا اۋەجاي ساتىپ الۋعا مۇددەلى ەكەنىن ايتتىق. بۇل تۋرالى پرەمەر-ءمينيستردىڭ ورىنباسارى-ۇلتتىق ەكونوميكا ءمينيسترى سەرىك جۇمانعارين ايتتى.
ۇقساس جاڭالىقتار
