كونور ماكگرەگور سپورتتان كەتتى

1851
Adyrna.kz Telegram

UFC-ءدىڭ داڭقتى جاۋىنگەرى، "يرلانديالىق اتەش" دەگەن لاقاپ اتىمەن تانىمال كونور ماكگرەگور سپورتتان كەتتى. ءبىز ەندى يرلاندىقتىڭ ايگىلى "ماقتانشاق ءجۇرىسىن" كورە المايمىز.

بۇل تۋرالى كونور ءوزىنىڭ Twitter پاراقشاسىندا جاريالادى.

«جىلدام حابارلاندىرۋ: مەن ارالاس جەكپە-جەك ونەرىنەن كەتۋدى شەشتىم. مەن بارلىق ارىپتەستەرىمە جارىستاردا ساتتىلىك تىلەيمىن. قازىر  بۇرىنعى دوستارىمنىڭ قاتارىنا  زەينەتكەر رەتىندە قوسىلامىن. مەنەن سەندەرگە پينا كولادا، بالالار!" دەپ جازدى ماكگرەگور.
وتكەن جىلدىڭ قازان ايىندا ايگىلى رەسەيلىك سپورتشى حابيب نۋرماگامەدوۆ پەن كونور ماكگرەگوردىڭ اراسىنداعى جەكپە-جەك بۇكىل الەم نازارىن وزدەرىنە اۋدارعان بولاتىن. ماكگرەگور ۋاقىتىنان بۇرىن ەستەن تانىپ قالىپ، حابيب الەم چەمپيونى اتاعىن قورعاپ قالعان.
جەكپە-جەكتىڭ اياعى كونور مەن ءحابيبتىڭ كوماندالارى اراسىنداعى توبەلەسپەن جالعاسىپ، سوڭى ەكى سپورتشىنىڭ دا جازالانۋىمەن اياقتالعان بولاتىن.

نارىن قالي

پىكىرلەر