UFC-diń dańqty jaýyngeri, "ırlandııalyq átesh" degen laqap atymen tanymal Konor Makgregor sporttan ketti. Biz endi ırlandyqtyń áıgili "maqtanshaq júrisin" kóre almaımyz.
Bul týraly Konor óziniń Twitter paraqshasynda jarııalady.
«Jyldam habarlandyrý: Men aralas jekpe-jek ónerinen ketýdi sheshtim. Men barlyq áriptesterime jarystarda sáttilik tileımin. Qazir burynǵy dostarymnyń qataryna zeınetker retinde qosylamyn. Menen senderge pına kolada, balalar!" dep jazdy Makgregor.
Ótken jyldyń qazan aıynda áıgili reseılik sportshy Habıb Nýrmagamedov pen Konor Makgregordyń arasyndaǵy jekpe-jek búkil álem nazaryn ózderine aýdarǵan bolatyn. Makgregor ýaqytynan buryn esten tanyp qalyp, Habıb álem chempıony ataǵyn qorǵap qalǵan.
Jekpe-jektiń aıaǵy Konor men Habıbtiń komandalary arasyndaǵy tóbelespen jalǵasyp, sońy eki sportshynyń da jazalanýymen aıaqtalǵan bolatyn.
Naryn Qalı
