وسى جىلدىڭ ءساۋىر ايىندا پوستكەڭەستىك ەلدەردىڭ ەگەمەندىگىن تەرىسكە شىعارىپ، جاھان حالقىن شۋلاتقان قىتايدىڭ فرانتسياداعى ەلشىسى لۋ شاە 31 مامىر كۇنى باق-قا بەرگەن سۇحباتىندا ەسكى اڭگىمەسىن قايتالاپتى: «كەڭەس وداعىنىڭ كونستيتۋتسياسىندا وداقتاس رەسپۋبليكالاردىڭ وداقتان شەگىنۋى جونىندە باپ بار ەكەنى راس، بىراق باسقا ءبىر باپ بويىنشا كەڭەس وداعىنىڭ ەگەمەندىگى وداقتاس رەسپۋبليكالاردىڭ ەگەمەندىگىنەن جوعارى تۇرادى».
ول الەم جۇرتشىلىعىن ءتيىستى قۇقىقتىق ماسەلەلەر بويىنشا تالقى جۇرگىزۋگە شاقىردى.
ول «مەنىڭ ايتقانىم قىتايدىڭ رەسمي سىرتقى ساياساتىنا قايشى ەمەس، قىتايدىڭ بۇرىنعى وداقتاس رەسپۋبليكالارمەن رەسمي بايلانىستى ساقتاۋىن تەرىسكە شىعارمايدى. بىرەۋلەر تۇيمەدەيدى تۇيەدەي ەتىپ وتىر» دەپ اقتالدى.
