قازاقستان حالىق پارتياسىنىڭ توراعاسى ەرمۇحامەت ەرتىسباەۆ پرەمەر-ءمينيستردىڭ ورىنباسارى لاۋازىمىنان بوساتىلعان التاي كولگىنوۆ تۋرالى پىكىرىن ءبىلدىردى. بۇل تۋرالى ولى جەلىدەگى پاراقشاسىندا جاريالادى، دەپ حابارلايدى “ادىرنا” ۇلتتىق پورتالى.
ايتۋىنشا، التاي كولگىنوۆتىڭ ورنىنان بوساتىلۋىنىڭ باستى سەبەبى سۋ پروبلەمالارىنان تۋىنداپ وتىر.
"التاي كولگىنوۆتىڭ ورنىنان بوساتىلۋىنىڭ باستى سەبەبى، قازىر تۋىنداعان بارلىق سۋ پروبلەمالارى دەپ ويلايمىن. بۇل استانانىڭ جان تۇرشىگەرلىك ماسەلەسى. وتكەن جىلى 20 تامىزدا حالىق پارتياسى جۇزدەگەن ادامنان تۇراتىن ميتينگ ۇيىمداستىردى. ميتينگتە ءوزىم ءسوز سويلەدىم. حالىقتىق پارتيا تالدىكول قالاسى اكىمدىگىنىڭ جۇمىسىن قاتاڭ سىنعا الدى. ولار رۇقساتسىز عيماراتتاردى سالۋ ارقىلى تابيعاتتى ءبۇلدىردى. مەنىڭشە، بۇل تازالىق جۇمىستارىن جۇرگىزۋدەگى جەمقورلىق. بۇل ءار قىستا تىلگە تيەك بولادى،"- دەدى ول.
سونداي-اق، ول جەرگىلىكتى كادردى اكىم ەتۋ كەرەگىن ايتا كەتتى.
ء"ترايباليزمدى دە ايتۋعا بولادى. التايدىڭ ءوزى تۇركىستاننىڭ تۋماسى. التاي مەنى ەستيدى دەپ ويلايمىن. ول مەنى تانيدى، ءبىز ونىمەن سويلەستىك. بىراق مەنىڭ ايتارىم بۇل - ماسقارالىق. وسىندا اكىمدىككە تۇركىستاندىقتاردىڭ 80 پايىزدان استامىن اكەلدى. ياعني، وسىنىڭ ءبارى جينالىپ، الەۋمەتتىك سالانىڭ تىزگىنىن ۇستاي باستادى. نەلىكتەن وندا جاۋاپ المايدى؟ ويتكەنى، پرەمەر-ءمينيستردىڭ ورىنباسارى بولىپ جۇمىس ىستەدى. مۇمكىن قاتەلەسەتىن دە شىعارمىن. بىراق بۇل مەنىڭ كوزقاراسىم، مەنىڭ ويىم. مەنىڭشە، پراكتيكاعا قايتا ورالۋ كەرەك. بارلىق ايماقتاردا ساپا ءبىرىنشى ورىندا تۇرۋى قاجەت. باسشىلىققا جەرگىلىكتى كادردى تاعايىنداۋىمىز كەرەك. ماسەلەن، جاقسىبەكوۆتى نەمەسە ءماميندى ايتايىق. ولار قالاي بولعاندا دا، استانانىڭ جەرگىلىكتى تۇرعىندارى. تاسماعامبەتوۆتى دە ايتۋعا بولادى. مىنە، مەن استانانىڭ ءساتتى اكىمى رەتىندە ۇشەۋىن ايتا الامىن",- دەدى ەرمۇحامەت ەرتىسباەۆ.
