10 جىلعا سوتتالعان گەنەرال-مايور سەرىك كۇدەباەۆ اپەللياتسيالىق شاعىم ءتۇسىردى، - دەپ حابارلايدى "ادىرنا" پورتالى.
جەتىسۋ وبلىسى سوتىنىڭ حابارلاۋىنشا، الماتى وبلىسى پوليتسيا دەپارتامەنتىنىڭ ەكس-باسشىسى ۇكىممەن كەلىسپەي، ونى اپپەلياتسياعا بەرۋ تۋرالى شەشىم قابىلداعان. اپەللياتسيالىق سوت وتىرىسى 29 ماۋسىمدا وتەدى.
«سەرىك كۇدەباەۆقا قاتىستى قىلمىستىق ءىستى قاراۋ جەتىسۋ وبلىستىق سوتىنىڭ عيماراتىندا 29 ماۋسىم كۇنى ساعات 15:00-گە بەلگىلەندى»، - دەدى وبلىستىق سوتتىڭ ءباسپاسوز حاتشىسى نۇرسۇلتان ورىنباساروۆ.
بۇعان دەيىن پوليتسيانىڭ بۇرىنعى جوعارى لاۋازىمدى شەنەۋنىگى تالدىقورعان قالاسىنداعى No71 مەكەمەدە قاماۋدا جاتقانى حابارلانعان بولاتىن.
ەسكە سالايىق، سەرىك كۇدەباەۆقا بيلىك پەن لاۋازىمدىق وكىلەتتىگىن اسىرا پايدالانۋ جانە ازاپتاۋ باپتارى بويىنشا ايىپ تاعىلىپ، ون جىلعا باس بوستاندىعىنان ايىرىلعان بولاتىن.
