اقتاۋدا قىزدى كولىككە كۇشتەپ وتىرعىزىپ، زورلاپ، ەسىرتكى قولدانۋعا ماجبۇرلەگەن ءبىر توپ ەر ادامعا قاتىستى سوت ۇكىمدى وزگەرتتى، دەپ حابارلايدى “ادىرنا” ۇلتتىق پورتالى.
بۇعان دەيىن، 29 جاستاعى فيتنەس-جاتتىقتىرۋشى الينا سەرىكوۆا قورقىتۋدان كەيىن ءوز-وزىنە قول جۇمساعان ەدى. ءبىر توپ جىگىت سپورتشى قىزدى كوشەدە ۇرلاپ اكەتىپ، ۇزاق ۋاقىت قيناعان. بىرىنشى ساتىداعى سوتتىڭ شەشىمىمەن بەس ايىپتالۋشى ۇزاق مەرزىمگە باس بوستاندىعىنان ايىرىلعان. بىراق سەرىكوۆانىڭ وتباسى ۇكىمدى ءادىل دەپ ساناماعان.
وسىلايشا، 30 قاڭتاردا الينانىڭ زورلاۋ ءىسى بويىنشا سوتقا اپەللياتسيالىق شاعىم ءتۇسىرۋ ءۇشىن ونداعان ادام جينالدى. ونىڭ ءىنىسى باستى ايىپتالۋشىنى ءومىر بويىنا باس بوستاندىعىنان ايىرۋدى تالاپ ەتتى.
باستى كۇدىكتى نۇرگەلدى سەيىتقاليەۆ ءومىر بويىنا باس بوستاندىعىنان ايىرىلدى. قالعان ايىپتالۋشىلار ەركەبۇلان امانقوس – 16 جىل، ارالباي مەرەي – 13 جىل، دارحان قۇلباس – 13 جىل، قۋانىش ۇسەنعالي – 13 جىلعا سوتتالدى. سونداي-اق جابىرلەنۋشىنىڭ وتباسىنا 30 ميلليون تەڭگە وتەماقى تولەنەدى.
