1 ماۋسىم كۇنى Global Finance بەدەلدى حالىقارالىق باسىلىمى ۇزدىك قارجى يننوۆاتسيالارىنا 2023 جىلعى Innovators Awards سىيلىعىن بەردى.
ەۋرازيالىق بانككە ۆroker 2.0 جوباسى —تاۋارلىق نەسيەنى 4 سەكۋندتا ماقۇلداۋ شەشىمى (نارىقتا ورتاشا ەسەپپەن 30-40 سەكۋندقا سوزىلادى) ءۇشىن "تۇتىنۋشىلىق نەسيە يننوۆاتورى" (Top Innovator in Consumer Finance) اتاعى بەرىلدى.
تەحنولوگيالىق ۇدەرىس پەن سالالىق ستاندارتتاردىڭ قابىلدانۋى يننوۆاتسيالارعا كەڭ جول اشتى. ەڭ جاڭاشىل بانكتەر مەن قارجى-تەحنولوگيالىق كومپانيالار كليەنتتەردىڭ كوزايىمىنا اينالۋدا.
ءبىز 21 عاسىردا قارجى كوشىن باستاعان يننوۆاتسيا يەلەرىنىڭ مىقتىلىعىن مويىندايمىز، - دەدى Global Finance باسپاگەرى جانە رەداكتسيالىق ديرەكتورى دجوزەف دجيارراپۋتو.
بيىل ون ءبىرىنشى رەت ءوتىپ وتىرعان Global Finance جىل سايىنعى ماراپاتتاۋ باعدارلاماسى ۇنەمى جاڭا جولداردى ىزدەپ تاۋىپ، قارجى سالاسىندا جاڭا قۇرالداردى دامىتىپ جۇرگەن ۇيىمداردى اتاپ ءوتتى.
ەۋرازيالىق بانكتىڭ تسيفرلاندىرۋ باعىتىنداعى جۇمىستارى جەمىسىن بەردى، تاۋار نەسيەسىن ماقۇلداۋدىڭ 4 سەكۋندتىق ۋاقىتى رەكورد بولىپ سانالادى. شەشىم بارلىق كۇتكەن ناتيجەلەردەن اسىپ ءتۇسىپ، ەندى بانكتىڭ باسقا ونىمدەرىنە تارالۋدا. ءبىزدىڭ جەتىستىگىمىزدىڭ Global Finance بەدەلدى قارجى باسىلىمىنىڭ جوعارى كاسىبي باعاسىنا يە بولۋى ەرەكشە قۋانىش سىيلادى، - دەپ پىكىر ءبىلدىردى ەۋرازيالىق بانكتىڭ باسقارما توراعاسى ءلاززات ساتيەۆا.
سونىمەن قاتار، تسيفرلىق جانە ارىپتەستىك ونىمدەردى ساتۋ جونىندەگى اتقارۋشى ديرەكتور دياس ءشارىپجانوۆ تا ءسوز سويلەدى.
4 سەكۋندتىق ناتيجەگە مەملەكەتتىك سەرۆيستەرمەن ينتەگراتسيالاۋ، بانكتى كۋالاندىرۋشى ورتالىق رەتىندە ليتسەنزيالاۋ، سۇراۋلار مەن كودتى وڭتايلاندىرۋ، شەشىم قابىلداۋ جۇيەسىندەگى تاۋەكەل مودەلىن وزگەرتۋ، سونداي-اق كليەنت جولىن ەكى كورسەتكىشكە (كليەنتتىڭ تەلەفون ءنومىرى جانە جسن) بەيىمدەۋ سياقتى شەشىمدەر كەشەنى ارقىلى جەتتىك. العا قويىلعان مىندەت قيالداي كورىنگەنىمەن، كوماندامىز ونى شىندىققا اينالدىردى، - دەپ ءوز ويىن قوستى ول.
جەڭىمپازداردى Global Finance رەداكتسيالىق القاسى يننوۆاتسيالار سالالارىنىڭ ساراپشىلارى بولىپ سانالاتىن جۋرناليست-رەپورتەرلاردىڭ پىكىرلەرىنە سۇيەنە وتىرىپ انىقتادى. 2023 جىلعى جەڭىمپازدار تۋرالى ەسەپ Global Finance كومپانياسىنىڭ ماۋسىم ايىنداعى باسپا جانە تسيفرلىق باسىلىمدارىندا، سونداي-اق GFMag.com.سايتىندا جاريالانباق.
ايتا كەتەيىە، ەۋرازيالىق بانك — قازاقستان بانكتەرىنىڭ ىشىندە اكتيۆتەرى جونىنەن التىنشى ورىنداعى الەۋمەتتىك ماڭىزدى قارجى ينستيتۋتى. اۆتونەسيە بەرۋدەن داۋسىز كوشباسشى، تاۋار نەسيەسى جونىنەن ۇزدىك 3 بانكتىڭ قاتارىندا، بولشەك بانكينگ نارىعىندا جەتەكشى ورىندى ۇستاپ تۇر، كورپوراتيۆتىك كليەنتتەر مەن كاسىپكەرلەرگە قىزمەتتەردىڭ كەڭ اۋقىمىن ۇسىنادى. بانكتىڭ Moody's شكالاسى بويىنشا ۆ2 رەيتينگ بولجامى 2022 جىلعى 15 جەلتوقساندا ء"پوزيتيۆتى" دەگەن باعامەن راستالعان بولاتىن. بانك ERG توبىنىڭ (مينەرالدىق رەسۋرستاردى ءوندىرۋ مەن وڭدەۋ سالاسىنداعى الەمدەگى ەڭ ءىرى كومپانيالاردىڭ ءبىرى) ەكوجۇيەسىنە جاتادى.
Global Finance جۋرنالى اقش-تا 1987 جىلدان بەرى شىعارىلادى. جۋرنالدىڭ الەمنىڭ 192 ەلىندەگى تارالىمى 50 مىڭ دانادان اسادى، وقىرماندارىنىڭ نەگىزگى اۋديتورياسى — ينۆەستيتسيالىق جانە ستراتەگيالىق شەشىمدەر قابىلداۋعا جاۋاپتى حالىقارالىق كومپانيالار مەن بانكتەردىڭ توپ-مەنەدجەرلەرى، قارجى ديرەكتورلارى.
قر قارجى نارىعىن رەتتەۋ جانە دامىتۋ اگەنتتىگى بەرگەن 2020 جىلعى 3 اقپانداعى № 1.2.68/242/40 ليتسەنزياسى
