پولشا رەسەي مەن بەلارۋس جۇك كولىكتەرى ءۇشىن شەكاراسىن جاباتىنىن مالىمدەدى

1819
Adyrna.kz Telegram

پولشا مەملەكەتى ساياسي سەبەپتەرمەن "شالا ءبۇلىندى".  1 ماۋسىمنان باستاپ رەسەي مەن بەلارۋس جۇك كولىكتەرى ءۇشىن شەكارانىڭ جابىلاتىنىن مالىمدەدى، دەپ حابارلايدى "ادىرنا" ۇلتتىق پورتالى. 

1 ماۋسىمنان، ءتۇن جارىمنان باستاپ، پولشا شەكارالارى جابىلادى. اتاپ ايتقاندا،  پولشا جۇك كولىكتەرىنىڭ، تراكتورلاردىڭ، تىركەمەلەر مەن جارتىلاي تىركەمەلەردىڭ، سونداي-اق رەسەي مەن بەلارۋس شەكاراسىنداعى وتكىزۋ پۋنكتتەرىندە تىركەلگەن اۆتوپوەزداردىڭ قوزعالىسىن توقتاتادى، دەپ حابارلايدى Polskie Radio ىشكى ىستەر مينيسترلىگىنىڭ قاۋلىسىنا سىلتەمە جاساپ.

بۇعان دەيىن پولشا بيلىگى بەلارۋسسيانىڭ 365 ازاماتىنا قارسى سانكتسيالار ەنگىزگەن ەدى. سونىمەن قاتار، 15 رەسەيلىك جانە ءبىر بەلارۋسسيانىڭ اكتيۆتەرىن توقتاتقانىن جاريالاعان بولاتىن. مۇنداي شەكتەۋلەردىڭ ەنگىزىلۋىنە بەلارۋسسيادا سەگىز جىلعا باس بوستاندىعىنان ايىرىلعان جۋرناليست اندجەي پوچوبۋتتىڭ قۋدالانۋى سەبەپ بولعان ەدى.

ورايى كەلگەندە ايتا كەتەيىك، جۋرناليست اندجەي پوچوبۋت ارازدىقتى قوزدىردى جانە ۇلتتىق قاۋىپسىزدىككە زيان كەلتىرەتىن ارەكەتتەرگە شاقىردى دەگەن جەلەۋمەن قۋدالاۋعا ۇشىراعان ەدى.

"ادىرنا" ۇلتتىق پورتالى

پىكىرلەر