Polsha memleketi saıası sebeptermen "shala búlindi". 1 maýsymnan bastap Reseı men Belarýs júk kólikteri úshin shekaranyń jabylatynyn málimdedi, dep habarlaıdy "Adyrna" ulttyq portaly.
1 maýsymnan, tún jarymnan bastap, Polsha shekaralary jabylady. Atap aıtqanda, Polsha júk kólikteriniń, traktorlardyń, tirkemeler men jartylaı tirkemelerdiń, sondaı-aq Reseı men Belarýs shekarasyndaǵy ótkizý pýnktterinde tirkelgen avtopoezdardyń qozǵalysyn toqtatady, dep habarlaıdy Polskie Radio ishki ister Mınıstrliginiń qaýlysyna silteme jasap.
Buǵan deıin Polsha bıligi Belarýssııanyń 365 azamatyna qarsy sankııalar engizgen edi. Sonymen qatar, 15 reseılik jáne bir Belarýssııanyń aktıvterin toqtatqanyn jarııalaǵan bolatyn. Mundaı shekteýlerdiń engizilýine Belarýssııada segiz jylǵa bas bostandyǵynan aıyrylǵan jýrnalıst Andjeı Pochobýttyń qýdalanýy sebep bolǵan edi.
Oraıy kelgende aıta keteıik, jýrnalıst Andjeı Pochobýt arazdyqty qozdyrdy jáne ulttyq qaýipsizdikke zııan keltiretin áreketterge shaqyrdy degen jeleýmen qýdalaýǵa ushyraǵan edi.
"Adyrna" ulttyq portaly
