جىل باسىنان بەرى الماتى وبلىسىنا اۋماعىنا كەلگەن شەتەل ازاماتتارىنىڭ سانى 7763 ادامدى قۇرادى. ونىڭ ىشىندە تمد مەملەكەتتەرىنەن وڭىرگە كەلەتىن ادام سانى ايتارلىقتاي كوپ. ماسەلەن، رەسەيدەن 1020, وزبەكستاننان 5938, قىرعىزستاننان 382, تاجىكستاننان 268, بەلارۋس مەملەكەتىنەن 14, ۋكراينادان 4, ارمەنيادان 18, ءازىربايجاننان 20, گرۋزيادان 2 ازامات الماتى وبلىسىنا شەكارا اسىپ كەلسە، تۇركيا مەن قىتايدان 1, اۋعانستاننان 10 ادام وبلىسقا ۋاقىتشا قونىستانعان.
الماتى وبلىسىنىڭ پوليتسيا دەپارتامەنتىنىڭ ءباسپاسوز قىزمەتىنىڭ بەرگەن دەرەگىنە سۇيەنسەك، كوشى-قونعا باقىلاۋ جاساۋ بارىسىندا 1668 تۇلعا كوشى-قون زاڭناماسىن بۇزىپ، اكىمشىلىك جاۋاپكەرشىلىككە تارتىلدى، ونىڭ ىشىندە-55-ءى قازاقستان رەسپۋبليكاسىنىڭ شەگىنەن تىس شىعارىلىپ جىبەرىلگەن.
وسى ۋاقىتقا دەيىن شەتەلدىك ازاماتتارمەن 34 قىلمىس جاسالعان، ونىڭ ەكەۋى الاياقتىق، 28-ءى ۇرلىق، سونىمەن قاتار، توناۋ، دەنساۋلىققا اۋىر زيان كەلتىرۋ، ادام ءولتىرۋ، زورلاۋ دەرەگى بويىنشا ءبىر قىلمىستان تىركەلگەن.
بيىلعى جىلدىڭ 4 ايىندا ىقتيار حاتتى 2161 شەتەلدىك ازامات العان.
«قازاقستان رەسپۋبليكاسىنىڭ مەملەكەتتىك شەكارا رەجيمىنىڭ بەلگىلەنگەن تارتىبىنە جانە قازاقستان رەسپۋبليكاسىنىڭ اۋماعىنا بولۋ تارتىبىنە قول سۇعاتىن اكىمشىلىك قۇقىق بۇزۋشىلىقتار قر اقبتك-ءنىڭ 510-519 باپتارىمەن قاراستىرىلعان.شەتەلدىكتىڭ نەمەسە ازاماتتىعى جوق ادامنىڭ قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن بۇزۋى- ون بەس ايلىق ەسەپتىك كورسەتكىش مولشەرىندە ايىپپۇل سالۋعا نە قازاقستان رەسپۋبليكاسىنىڭ شەگىنەن تىسقارى جەرگە اكىمشىلىك جولمەن شىعارىپ جىبەرۋگە الىپ كەلەدى (قر اقبتك-ءنىڭ 517 بابى)»،-دەيدى الماتى وبلىسىنىڭ پوليتسيا دەپارتامەنتىنىڭ ءباسپاسوز قىزمەتى.
«كوشىپ-كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ، سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارىن جانە كوشى-قون باقىلاۋىن جۇزەگە اسىرۋ، سونداي-اق قازاقستان رەسپۋبليكاسىنىڭ مەملەكەتتىك شەكاراسىنان زاڭسىز وتەتىن، قازاقستان رەسپۋبليكاسىنىڭ اۋماعىندا زاڭسىز بولاتىن شەتەلدىكتەر مەن ازاماتتىعى جوق ادامداردى، سونداي-اق قازاقستان رەسپۋبليكاسىنىڭ اۋماعىنا كەلۋگە تىيىم سالىنعان ادامداردى ەسەپكە الۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 21 قاڭتارداعى №148 قاۋلىسىنا ساي:
- كوشىپ كەلۋشىلەردىڭ قازاقستان رەسپۋبليكاسىندا بولۋىنىڭ رۇقسات ەتىلگەن مەرزىمى:
- ەگەر قازاقستان رەسپۋبليكاسىنىڭ ءتيىستى تاراپپەن جاساعان كەلىسىمىندە وزگەشە ءتارتىپ بەلگىلەنبەسە نەمەسە قازاقستان رەسپۋبليكاسىنىڭ ۇكىمەتى وزگەشە ءتارتىپ بەلگىلەمەسە، قازاقستان رەسپۋبليكاسىنا ۆيزا الۋدى تالاپ ەتپەيتىن تارتىپپەن كەلگەن كوشىپ كەلۋشىلەر ءۇشىن قازاقستان رەسپۋبليكاسىنىڭ مەملەكەتتىك شەكاراسىن كەسىپ وتكەن كۇننەن باستاپ كۇنتىزبەلىك وتىز كۇن، كۇنتىزبەلىك ءجۇز سەكسەن كۇننەن تۇراتىن ءار كەزەڭ ىشىندە جيىنتىعىندا كۇنتىزبەلىك توقسان كۇن وتكەن سوڭ;
- ەەو مۇشە مەملەكەتتەرىنىڭ ازاماتتارى ءۇشىن قازاقستان رەسپۋبليكاسىنىڭ مەملەكەتتىك شەكاراسىن كەسىپ وتكەن كۇننەن باستاپ كۇنتىزبەلىك توقسان كۇن، كۇنتىزبەلىك ءجۇز سەكسەن كۇننەن تۇراتىن ءار كەزەڭ ىشىندە جيىنتىعىندا كۇنتىزبەلىك توقسان كۇن وتكەن سوڭ;
قازاقستان رەسپۋبليكاسى ءىىم نۇسقاۋىن ورىنداۋ ماقساتىندا (شىع. №1-8-3-33/595-ي 10.02.2023 جىل), الماتى وبلىسىنىڭ اۋماعىندا 2023 جىلدىڭ 20 اقپانى مەن 28 اقپانى ارالىعىندا جەدەل-پروفيلاكتيكالىق شارا «ميگرانت» وتكىزىلەگەن بولاتىن. جەدەل-پروفيلاكتيكالىق شارا بارىسىندا 367 شەتەلدىك اكىمشىلىك جاۋاپكەرشىلىككە تارتىلعان بولاتىن.
قابىلداۋ-تاراتۋعا 170 شەتەلدىك جىبەرىلدى. قازاقستان رەسپۋبليكاسىنىڭ شەگىنەن تىسقارى جەرگە اكىمشىلىك جولمەن شىعارىپ جىبەرىلگەندەر سانى 26 قۇراسا، شەتەل جۇمىس كۇشىن تارتۋ بويىنشا 17 تۇلعا زاڭنامانى بۇزعان.
