Jyl basynan beri Almaty oblysyna aýmaǵyna kelgen shetel azamattarynyń sany 7763 adamdy qurady. Onyń ishinde TMD memleketterinen óńirge keletin adam sany aıtarlyqtaı kóp. Máselen, Reseıden 1020, Ózbekstannan 5938, Qyrǵyzstannan 382, Tájikstannan 268, Belarýs memleketinen 14, Ýkraınadan 4, Armenııadan 18, Ázirbaıjannan 20, Grýzııadan 2 azamat Almaty oblysyna shekara asyp kelse, Túrkııa men Qytaıdan 1, Aýǵanstannan 10 adam oblysqa ýaqytsha qonystanǵan.
Almaty oblysynyń polıııa departamentiniń baspasóz qyzmetiniń bergen deregine súıensek, kóshi-qonǵa baqylaý jasaý barysynda 1668 tulǵa kóshi-qon zańnamasyn buzyp, ákimshilik jaýapkershilikke tartyldy, onyń ishinde-55-i Qazaqstan Respýblıkasynyń sheginen tys shyǵarylyp jiberilgen.
Osy ýaqytqa deıin sheteldik azamattarmen 34 qylmys jasalǵan, onyń ekeýi alaıaqtyq, 28-i urlyq, sonymen qatar, tonaý, densaýlyqqa aýyr zııan keltirý, adam óltirý, zorlaý deregi boıynsha bir qylmystan tirkelgen.
Bıylǵy jyldyń 4 aıynda yqtııar hatty 2161 sheteldik azamat alǵan.
«Qazaqstan Respýblıkasynyń memlekettik shekara rejıminiń belgilengen tártibine jáne Qazaqstan Respýblıkasynyń aýmaǵyna bolý tártibine qol suǵatyn ákimshilik quqyq buzýshylyqtar QR ÁQBtK-niń 510-519 baptarymen qarastyrylǵan.Sheteldiktiń nemese azamattyǵy joq adamnyń Qazaqstan Respýblıkasynyń halyqtyń kóshi-qony salasyndaǵy zańnamasyn buzýy- on bes aılyq eseptik kórsetkish mólsherinde aıyppul salýǵa ne Qazaqstan Respýblıkasynyń sheginen tysqary jerge ákimshilik jolmen shyǵaryp jiberýge alyp keledi (QR ÁQBtK-niń 517 baby)»,-deıdi Almaty oblysynyń polıııa departamentiniń baspasóz qyzmeti.
«Kóship-kelýshilerdiń Qazaqstan Respýblıkasyna kelýiniń jáne onda bolýynyń, sondaı-aq olardyń Qazaqstan Respýblıkasynan ketýiniń qaǵıdalaryn jáne kóshi-qon baqylaýyn júzege asyrý, sondaı-aq Qazaqstan Respýblıkasynyń Memlekettik shekarasynan zańsyz ótetin, Qazaqstan Respýblıkasynyń aýmaǵynda zańsyz bolatyn sheteldikter men azamattyǵy joq adamdardy, sondaı-aq Qazaqstan Respýblıkasynyń aýmaǵyna kelýge tyıym salynǵan adamdardy esepke alý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 21 qańtardaǵy №148 qaýlysyna saı:
- kóship kelýshilerdiń Qazaqstan Respýblıkasynda bolýynyń ruqsat etilgen merzimi:
- eger Qazaqstan Respýblıkasynyń tıisti tarappen jasaǵan kelisiminde ózgeshe tártip belgilenbese nemese Qazaqstan Respýblıkasynyń Úkimeti ózgeshe tártip belgilemese, Qazaqstan Respýblıkasyna vıza alýdy talap etpeıtin tártippen kelgen kóship kelýshiler úshin Qazaqstan Respýblıkasynyń Memlekettik shekarasyn kesip ótken kúnnen bastap kúntizbelik otyz kún, kúntizbelik júz seksen kúnnen turatyn ár kezeń ishinde jıyntyǵynda kúntizbelik toqsan kún ótken soń;
- EEO múshe memleketteriniń azamattary úshin Qazaqstan Respýblıkasynyń Memlekettik shekarasyn kesip ótken kúnnen bastap kúntizbelik toqsan kún, kúntizbelik júz seksen kúnnen turatyn ár kezeń ishinde jıyntyǵynda kúntizbelik toqsan kún ótken soń;
Qazaqstan Respýblıkasy IIM nusqaýyn oryndaý maqsatynda (shyǵ. №1-8-3-33/595-I 10.02.2023 jyl), Almaty oblysynyń aýmaǵynda 2023 jyldyń 20 aqpany men 28 aqpany aralyǵynda Jedel-profılaktıkalyq shara «Mıgrant» ótkizilegen bolatyn. Jedel-profılaktıkalyq shara barysynda 367 sheteldik ákimshilik jaýapkershilikke tartylǵan bolatyn.
Qabyldaý-taratýǵa 170 sheteldik jiberildi. Qazaqstan Respýblıkasynyń sheginen tysqary jerge ákimshilik jolmen shyǵaryp jiberilgender sany 26 qurasa, shetel jumys kúshin tartý boıynsha 17 tulǵa zańnamany buzǵan.
