الماتى وبلىسىندا كوپ بالالى وتباسى مۇشەلەرى بەلگىسىز زاتتان ۋلانىپ، بەس ادام قازا تاپتى، - دەپ حابارلايدى "ادىرنا" ءتىلشىسى الماتى وبلىسى توتەنشە جاعدايلار دەپارتامەنتىنىڭ ءباسپاسوز قىزمەتىنە سىلتەمە جاساپ.
قايعىلى وقيعا 4 مامىردا كولاشى اۋىلىندا بولعان. ساعات 16:04-تە الماتى وبلىسى توتەنشە جاعدايلار دەپارتامەنتىنە قاراساي اۋدانى، ەلتاي اۋىلدىق وكرۋگىنە قاراستى كولاشى اۋىلىنداعى جەكە تۇرعىن ۇيدە التى ادامنىڭ (ەكى ەرەسەك جانە ءتورت بالا) بەلگىسىز زاتپەن ۋلانعانى تۋرالى حابارلاما كەلىپ تۇسكەن.
«سونىڭ سالدارىنان 1984 جىلى تۋعان ەر ادام (اكەسى) جانە ءتورت بالاسى (2010 جىلى تۋعان قىزى مەن 2008, 2013, 2018 ج.ت. ۇلدارى) جانساقتاۋ بولىمىندە قايتىس بولدى. الدىن الا سەبەپ - بەلگىسىز زاتپەن ۋلانۋ" دەپ جازدى تجد.
ءمان-جايدى انىقتاۋ ءۇشىن دەرەۋ شاقىرتۋ ورنىنا تجد-نىڭ عىلىمي-زەرتتەۋ ءورت زەرتحاناسى، گاز قىزمەتى جانە سەس جىبەرىلدى. باستاپقىدا جينالعان ماتەريال قاراساي اۋدانى بويىنشا ۋچاسكەلىك پوليتسياعا تاپسىرىلدى.
