ۋكراينا پرەزيدەنتى ۆلاديمير زەلەنسكي ارميا سانىن 100 مىڭ ادامعا ۇلعايتۋ تۋرالى جارلىققا قول قويدى، سونداي-اق ەل ەكونوميكاسى تۇراقتاندى دەپ سەندىردى، - دەپ حابارلايدى "ادىرنا " ءتىلشىسى ريا نوۆوستيگە سىلتەمە جاساپ.
اتاپ وتىلگەندەي، جارلىققا مەملەكەت باسشىسى سەسسيانىڭ اشىلۋ سالتاناتىنا كەلگەن جوعارعى رادادا سويلەگەن سوزىندە قول قويىلعان.
"جارلىق بارلىق اسكەريلەردى قارجىلىق قولداۋدى ەڭ تومەنگى جالاقىنىڭ ۇشتەن كەم ەمەس دەڭگەيىنە دەيىن ارتتىرۋدى كوزدەيدى. سونداي-اق ۋكراينا قارۋلى كۇشتەرىنىڭ سانىن الداعى ءۇش جىلدا كاسىبي ارميانىڭ 100 مىڭ ادامعا ۇلعايتۋ كوزدەلگەن»، - دەدى زەلەنسكي سەيسەنبى كۇنى جوعارعى رادانىڭ جەتىنشى سەسسياسىنىڭ اشىلۋىندا سويلەگەن سوزىندە.
سونىمەن قاتار، مەردىگەرلەردىڭ قىزمەت ەتۋ مەرزىمىن ۇزارتۋ كوزدەلۋدە. ونىڭ ايتۋىنشا، بۇل جاقىندا سوعىس بولاتىندىعىنان ەمەس، «بەيبىتشىلىك بولسىن دەپ» ەلدىڭ كاسىبي ارمياعا كوشۋىنىڭ باستالۋىن قولعا الۋ ماقساتىندا.
سونداي-اق ءوز سوزىندە زەلەنسكي ەل ەكونوميكاسى تۇراقتانعانىن، قارجى جۇيەسى باقىلاۋعا الىنعانىن ايتتى.
"قارجى جۇيەسىندە بارلىعى باقىلاۋدا. قاڭتار ايىندا بيۋدجەت كىرىسى 7 ميللياردقا ارتىعىمەن ورىندالدى. گريۆنا بۇگىن جاقسى دەڭگەيدە، كەشە ول 30 تيىنعا نىعايدى، ءبىز جوسپارلى جانە تۇراقتى مولشەرلەمەگە بىرتىندەپ قايتا ورالىپ جاتىرمىز. ءبىر اپتاعا جۋىق ۋاقىت سول جەردە. ءبىزدىڭ وبليگاتسيالارىمىز بويىنشا حالىقارالىق قارجى نارىقتارىندا وڭ ءۇردىس بولدى. قارجى الەمى ۋكراينانىڭ بولاشاعىنا وپتيميستىك كوزقاراسپەن باعا بەرەدى»، - دەدى زەلەنسكي پارلامەنتتىڭ اشىلۋ وتىرىسىندا.
ول ۋكراينادا جەتكىلىكتى گاز جانە كومىر قورى بار ەكەنىن ايتتى. پرەزيدەنتتىڭ ايتۋىنشا، التىن-ۆاليۋتا قورى رەكوردتىق دەڭگەيدە قالىپ وتىر، «بۇل ءارتۇرلى اۋىتقۋلاردان قورعايدى جانە ەكونوميكالىق يممۋنيتەتتى نىعايتادى».
جاقىندا كيەۆ پەن باتىس مەملەكەتتەرى رەسەيدىڭ ۋكراينا شەكاراسىنا جاقىن جەردەگى بەلسەندىلىگىنە الاڭداۋشىلىق ءبىلدىردى. ماسكەۋ ەشكىمگە قاۋىپ توندىرمەيتىنىن جانە ەشكىمگە شابۋىل جاسامايتىنىن ايتىپ، بارلىق ايىپتاۋلاردى جوققا شىعارادى.
"ادىرنا" ۇلتتىق پورتالى
