پاۆلودار قالاسىنىڭ № 2 سوتى ۇلتتىق الاۋىزدىقتى قوزدىرۋ جانە ۇلتتىق ار-نامىس پەن قادiر-قاسيەتتi قورلاۋ فاكتىسى بويىنشا قىلمىستىق ءىستى قارادى. بۇل جونىندە سوتتىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
بيىلعى جىلدىڭ 1 قاڭتارىندا ماساڭ كۇيدە بولعان ازامات "WhatsApp" مەسسەندجەرىنىڭ جالپى توبىنا مازمۇنىندا ۇلتتىق الاۋىزدىقتى قوزدىرۋعا جانە قازاق ۇلتى وكىلدەرىنىڭ ار-نامىسى پەن قادiر-قاسيەتiن قورلاۋعا باعىتتالعان 3 داۋىستىق حابارلاما جولداعان.
سوتتالۋشىنىڭ كىناسى كۋالاردىڭ ايعاقتارىمەن، قۇجاتتىق دالەلدەمەلەرمەن جانە ساراپتامالىق قورىتىندىلارمەن دالەلدەنگەنى ايتىلادى.
سوت مالىمەتىنە سۇيەنسەك، ۇلتتىق الاۋىزدىقتى قوزدىرۋ جانە ۇلتتىق ار-نامىس پەن قادiر-قاسيەتتi قورلاعانى ءۇشىن (قك 174-بابىنىڭ 1-بولىگى) زاڭمەن نەگىزگى جازا رەتىندە ەڭ جوعارى مەرزىم 7 جىلعا دەيىن باس بوستاندىعىنان ايىرۋ كوزدەلگەن.
“جاسالعان قۇقىق بۇزۋشىلىقتىڭ اۋىرلىعىن، كىناسىن تولىق مويىنداۋىن جانە شىن جۇرەكتەن وكىنۋىن، اسىراۋىندا ەكى جاس بالانىڭ بولۋىن ەسكەرە وتىرىپ، سوت 4 جىل باس بوستاندىعىنان ايىرۋ جازاسىن تاعايىندادى”، – دەلىنگەن اقپاراتتا.
ۇكىم زاڭدى كۇشىنە ەنگەن جوق.
