Pavlodar qalasynyŋ № 2 soty ūlttyq alauyzdyqty qozdyru jäne ūlttyq ar-namys pen qadir-qasietti qorlau faktısı boiynşa qylmystyq ıstı qarady. Būl jönınde sottyŋ baspasöz qyzmetı mälımdedı, dep habarlaidy “Adyrna” ūlttyq portaly.
Biylǧy jyldyŋ 1 qaŋtarynda masaŋ küide bolǧan azamat "WhatsApp" messendjerınıŋ jalpy tobyna mazmūnynda ūlttyq alauyzdyqty qozdyruǧa jäne qazaq ūlty ökılderınıŋ ar-namysy pen qadir-qasietin qorlauǧa baǧyttalǧan 3 dauystyq habarlama joldaǧan.
Sottaluşynyŋ kınäsı kuälardyŋ aiǧaqtarymen, qūjattyq däleldemelermen jäne saraptamalyq qorytyndylarmen däleldengenı aitylady.
Sot mälımetıne süiensek, ūlttyq alauyzdyqty qozdyru jäne ūlttyq ar-namys pen qadir-qasietti qorlaǧany üşın (QK 174-babynyŋ 1-bölıgı) zaŋmen negızgı jaza retınde eŋ joǧary merzım 7 jylǧa deiın bas bostandyǧynan aiyru közdelgen.
“Jasalǧan qūqyq būzuşylyqtyŋ auyrlyǧyn, kınäsın tolyq moiyndauyn jäne şyn jürekten ökınuın, asyrauynda ekı jas balanyŋ boluyn eskere otyryp, sot 4 jyl bas bostandyǧynan aiyru jazasyn taǧaiyndady”, – delıngen aqparatta.
Ükım zaŋdy küşıne engen joq.
