10 مامىردا «وتباسى بانكى» ۇسىنعان «ۇماي» ايەلدەر يپوتەكاسى بويىنشا وتىنىمدەردى قابىلداۋ باستالادى، دەپ حابارلايدى "ادىرنا". بۇل تۋرالى «وتباسى بانكى» Instagram پاراقشاسىندا حابارلادى.
⠀
باعدارلامانىڭ شارتتارى:
⠀
— ايلىق تابىس 550 000 تەڭگەدەن اسپاسا — 15% باستاپقى جارنا;
— ەگەر تابىس 550 000 تەڭگەدەن 640 000 تەڭگەگە دەيىن بولسا، باستاپقى جارنا تۇرعىن ءۇي قۇنىنىڭ 20% قۇرايدى;
— ساتىپ الىناتىن تۇرعىن ءۇيدىڭ ماكسيمالدى قۇنى — 30 ملن تەڭگە;
— نەسيە بويىنشا جىلدىق پايىزدىق مولشەرلەمە — 14,4%، كەيىنىرەك ول 3,5% — 5%-عا دەيىن تومەندەيدى;
— نەسيەلەۋ مەرزىمى — 6 ايدان 25 جىلعا دەيىن;
— باسپانانىڭ العاشقى جانە قايتالاما نارىقتان تاڭداۋعا بولادى;
— پاتەردى جوندەۋگە 3,7 ملن تەڭگەگە دەيىن نەسيە بەرىلەدى.
⠀
ءوتىنىش بەرۋ ءۇشىن بانك بولىمشەلەرىنە نەمەسە بانكتىڭ كەڭەس بەرۋ ورتالىقتارىنا بارۋعا بولادى.
⠀
سونداي-اق ءوتىنىش بەرۋشى otbasybank.kz پورتالىندا ونلاين تىركەلە الادى.
"ادىرنا" ۇلتتىق پورتالى
