ساۋلە ابىلداحانقىزى: تۇركىستانعا قانشا رەت بارسام دا، ءپرينتسيپتى تۇردە "ۆەنەتسياسىنا" باس سۇقپادىم... پىروستى تاريحتى بىلىقتىرىپ، بىلعاعاندارىن كورگىم كەلمەيدى شە...

ولجاستىڭ ءسوزى كوكەيدەگىنى ءدوپ باستى... ويىمىز ءبىر جەردەن شىقتى. ءدال ايتتىڭىز، ولجاس مىرزا. تۇركىستاننىڭ ەڭ قۇندى جادىگەرى ياسساۋي كەسەنەسىنىڭ اينالاسىن تارىلتىپ، سىعىپ تاستاعانىن ايتساڭىزشى. الىستان كورىنەتىن كۇمبەز قازىر مۇلدە كورىنبەيدى. قۇدايدىڭ كەڭ جەرى-اق قاشان قاراساڭ قازاققا جەتپەي جۇرەدى... كەسەنەنىڭ جان-جاعىنان عيماراتتار سالىپ، قورشاپ، جاۋىپ تاستاعان. كەسەنە الىستان كورىنەتىن ەتىپ اينالاسىنداعى كەڭىستىكتى قالدىرۋعا بولار ەدى عوي. ارحيتەكتوردىڭ دا سوعان باسى جەتپەگەن عوي... جەر جەتپەگەندەي... ەسكى قورىم ەدى... كەسەنەنىڭ ماڭايى تۇگەل بەيىت بولعان. ول جەردە قانشاما حاندار مەن سۇلتانداردىڭ، باتىرلار مەن بيلەردىڭ سۇيەگى جاتىر... قانشاسى اياقجولدىڭ، عيماراتتاردىڭ، تاباننىڭ استىندا قالعانىن ءبىر قۇداي بىلەدى... ۆەنەتسيا دەپ كۇيدىرەدى عوي... تۇركىستان دەگەن تاريحقا اكەپ ۆەنەتسيانى جاپسىرىپ... جۇرت سونداي تاريحقا جەتە الماي ءجۇر... ءبىز بولساق بارىمىزدان بەزىنەمىز...

تۇركىستاننىڭ قازىرگى اكىمى نۇربول تۇراشبەكوۆ مىرزا ورداباسى اۋدانىنىڭ اكىمى بوپ تۇرعان كەزدە اۋداننىڭ تابيعاتى كەلىسكەن جەرىنە كيىز ۇيلەر تىگىپ، تۇركىنىڭ ەتنواۋىلىن جاساۋدى ۇسىندىم. "ەرتۇعرىلدى كورىپ پە ەدىڭىز، سونىڭ كاي اۋىلى سياقتى بولسا، ءبىر شەتىندە قولونەرشىلەر كيىز باسىپ، كىلەم، الاشا، ورمەك توقىپ، ءبىر شەتىندە ۇستالار تەمىر ءتۇيىپ، ءبىر شەتىندە تاندىرعا نان جاۋىپ، ەشكى ساۋىپ جۇرسە، ءبىر شەتىندە قىش قۇيىپ جۇرسە، سامان كىرپىشتەن قورعانى بازارى، قورعانى بولسا..." دەپ... قيالداپ... تۇركىستانعا اكىم بوپ كەتتى، ناعىز تۇركىستاننىڭ ماڭايىنا سونداي كەشەن جاساۋ كەرەك دەپ جاقىندا تاعى ايتىپ ەدىم... ءتىپتى قاھرامانماراشتا قازاقتار تىككەن كيىز ۇيلەر سياقتى ءبىر اۋىل جاساۋ قيىن ەمەس شىعار دەپ... قابىلداڭىز دەپ ءوتىنىشىمىزدى جازدىق... قابىلدايمىن دەگەن...