قازاقستان رەسەي ناسيحاتىنان زارداپ شەگىپ جاتىر. بۇل پىكىردى ۋكراينالىق ساياساتكەر الەكسەي گونچارەنكو ەۋروپارلامەنتتە سويلەگەن سوزىندە ايتتى، دەپ حابارلايدى «ادىرنا» ءتىلشىسى.
«قازىر رەسەي قازاقستانعا گيبريد شابۋىل جاساپ جاتىر. بۇل تۋرالى قازىر ايتۋىمىز كەرەك. رەسەي مەنىڭ مەملەكەتىمە قارسى ءدال وسىلاي گيبريدتىك، اقپاراتتىق شابۋىل جاساعان ەدى. مەن مۇنى رەسەي بيلىگىنىڭ بىزگە جاساعانىن قازاقستاندا بولدىرماۋ ءۇشىن ايتىپ وتىرمىن»،—دەدى ول.
جوعارعى رادا دەپۋتاتى رەسەيدىڭ باسقىنشىلىق ساياساتىنان باسقا ەلدەردىڭ ۋكراينا سەكىلدى زارداپ شەككەنىن قالامايتىنىن اتاپ ءوتتى.
«قازاقستان — ەۋروپالىق مەملەكەت. بۇل ەلدىڭ بولاشاعى – ونى قورشاپ تۇرعان يمپەريالاردىڭ قۇربانى بولۋ ەمەس، كەرىسىنشە ەۋروپا كەڭەسىنە مۇشە بولۋ، ەركىن الەمگە قوسىلۋ، ءبىزدىڭ قوعامعا قوسىلۋ. العا، قازاقستان»،—دەدى گونچارەنكو.
