"كورشى وتىرعان قىتايدىڭ جاعدايى مۇشكىل" - مينيستر لوكداۋن ەنگىزىلمەيدى دەپ سەندىردى

2739
Adyrna.kz Telegram
كورشى قىتايداعى قابىلدانعان قاتاڭ شارالارعا قاراماستان قازاق ەلىندە كوروناۆيرۋستىڭ تارالۋىنا بايلانىستى شەكتەۋ شارالارىن ەنگىزۋ جوسپاردا جوق. بۇل جايلى قر دەنساۋلىق ساقتاۋ ءمينيسترى مالىمدەدى، دەپ حابارلايدى "ادىرنا" ۇلتتىق پورتالى. 

دەنساۋلىق ساقتاۋ ءمينيسترى اجار عينياتتىڭ ايتۋىنشا، بۇگىندەرى قىتاي مەن قازاقستانداعى كوروناۆيرۋس ينفەكتسياسىنا قاتىستى جاعدايدىڭ ايىرماسى جەر مەن كوكتەي.

مينيستر پاندەميا باستالعاننان بەرى قىتاي وتە قاتاڭ شەكتەۋ شارالارىن قابىلداپ، ينفەكتسيانى وقشاۋلاۋعا قاتىستى شەكتەۋ ءىس-شارالارىنا ەرەكشە ءمان بەردى.

- "قازىر قىتايداعى ۇجىمدىق يممۋنيتەت قانداي دەڭگەيدە ەكەنىن ايتا المايمىن. ولاردا اۋرۋ شىققان جەرلەردە شەكتەۋ ءىس-شارالارى قابىلدانادى. بۇعان حالىق ءوز نارازىلىعىن ءبىلدىرىپ جاتقان بولار", - دەپ اجار عينيات قازاقپارات ءتىلشىسى قويعان سۇراققا جاۋاپ بەردى.

دەنساۋلىعىمىزدىڭ باس جاناشىرى بۇگىندە ەل ازاماتتارىنىڭ 10 ميلليوننان استامى ىندەنتتەن قورعايتىن ەكپە سالدىرعانىن ايتتى. بەس ميلليون ادام قايتا ۆاكتسينالانۋ پروتسەسىنەن وتكەن.

"بىزدە ۇجىمدىق يممۋنيتەت قالىپتاسقان، سونداي-اق وميكروندى ادامدار جەڭىل ەڭسەرىپ جاتقانىن ەسكەرە وتىرىپ، ەل اۋماعىندا شەكتەۋ ءىس-شارالارىن ەنگىزۋ جوسپارلانباعان", - دەدى قر دەنساۋلىق ساقتاۋ ءمينيسترى اجار عينيات.

جاقىندا قازاق ەلىندە كوروناۆيرۋستىڭ "وميكرون BQ.1.1" شتامىنىڭ ءبىر نۇسقاسى - "تسەربەر" شتامىنىڭ بەلگىلەرى بايقالعانى حابارلانعان ەدى.

"ادىرنا" ۇلتتىق پورتالى

پىكىرلەر