Qazaqstan Reseı nasıhatynan zardap shegip jatyr. Bul pikirdi ýkraınalyq saıasatker Alekseı Goncharenko Eýroparlamentte sóılegen sózinde aıtty, dep habarlaıdy «Adyrna» tilshisi.
«Qazir Reseı Qazaqstanǵa gıbrıd shabýyl jasap jatyr. Bul týraly qazir aıtýymyz kerek. Reseı meniń memleketime qarsy dál osylaı gıbrıdtik, aqparattyq shabýyl jasaǵan edi. Men muny Reseı bıliginiń bizge jasaǵanyn Qazaqstanda boldyrmaý úshin aıtyp otyrmyn»,—dedi ol.
Joǵarǵy Rada depýtaty Reseıdiń basqynshylyq saıasatynan basqa elderdiń Ýkraına sekildi zardap shekkenin qalamaıtynyn atap ótti.
«Qazaqstan — eýropalyq memleket. Bul eldiń bolashaǵy – ony qorshap turǵan ımperııalardyń qurbany bolý emes, kerisinshe Eýropa keńesine múshe bolý, erkin álemge qosylý, bizdiń qoǵamǵa qosylý. Alǵa, Qazaqstan»,—dedi Goncharenko.
