اسىلتاي تاسبولات: ق. توقاەۆ اسسامبلەيانىڭ كەزەكتى سەسسياسىندا مەملەكەتتىك ءتىلدى ءبىلۋدى ازاماتتىق جاۋاپكەرشىلىك دەپ كورسەتتى. وسىلايشا ۇلت ۇعىمى ازاماتتىق مازمۇن يەلەندى.

ق. توقاەۆ كەشە اسسامبلەيانىڭ كەزەكتى سەسسياسىندا ەتنوسارالىق تاتۋلىق/كەلىسىم تۋرالى ايتتى. مەملەكەتتىك ءتىلدى ءبىلۋدى ازاماتتىق جاۋاپكەرشىلىك دەپ كورسەتتى. وسىلايشا ۇلت ۇعىمى ازاماتتىق مازمۇن يەلەندى. 20 ميلليون قازاقستان ازاماتىنىڭ بارلىعىن قازاق دەۋدىڭ العىشارتى جاسالدى. بۇعان دەيىن ۇلتارالىق قاتىناس دەپ قولدانۋ بار بولاتىن. بۇل قاتە. ەلدەگى ءاربىر ەتنوستى ۇلت دەۋگە كەلمەيدى. سەپاراتيزم بۇل. سوۆەت كەزەڭىندەگى ۇلت رەسپۋبليكالارى دەگەندى قاتە كوشىرىپ، ەلدەگى ءار ەتنوسقا قاتىستى قولدانىپ جىبەرۋدەن باستالعان اعاتتىق پا دەيمىن. ال، مەملەكەتتىك ءتىل بولا تۇرا ورىس ءتىلىن ۇلتارالىق قاتىناس ءتىلى دەۋ - ءتىپتى قيسىنسىز. توقاەۆ مۇنى مەملەكەتتىك ءتىلدى ءبىلۋ ازاماتتىق جاۋاپكەرشىلىك دەپ كورسەتتى. ۇلت دەگەن شىنىمەن دە الەۋمەتتىك كونسترۋكت جانە ساياسي تەرمين. Nation building - ۇلت قالىپتاستىرۋ دەگەندى بىلدىرەدى. قازاقستان رەسپۋبليكاسىنىڭ حالقى - قازاقتار. ارعىن، نايمان، اداي، قوڭىرات، دۋلات تەكتى قازاققا ورىس، ۇيعىر تەكتى قازاقتار قوسىلدى. كەشەگى Freedom finance-قا Chocolife پەن Aviata-نى قوسىپ العان تيمۋر تۋرلوۆ تا، وسى پوستتى جازىپ وتىرعان اسىلتاي دا ۇلت رەتىندە ءبىرتۇتاس. بارلىعىمىزعا ورتاق مەملەكەتتىك ءتىل - قازاق ءتىلى.

اقشاعا پوست جازاتىندارعا وسىنى جاز دەۋگە بولادى عوي...