قاسىم-جومارت توقاەۆ بوكسشى ايدوس ەربوسىنۇلىنا قولداۋ جەدەلحاتىن جولدادى. بۇل تۋرالى اقوردانىڭ ءباسپاسوز قىزمەتى حابارلادى، دەپ جازادى "ادىرنا" ۇلتتىق پورتالى.
مەملەكەت باسشىسى ناعىز بىلەك پەن جۇرەكتى تالاپ ەتەتىن سپورت تۇرىمەن كاسىبي تۇردە شۇعىلدانىپ جۇرگەن ايدوس ەربوسىنۇلىنا قولداۋ ءبىلدىردى.
– كۋبالىق بوكسشىمەن جەكپە-جەگىڭىزدە بۇكىل قازاقستاندىق جانكۇيەر سىزگە تىلەكشى بولدى. باسەكە بولعان جەردە جەڭىس پەن بىرگە ساتسىزدىكتىڭ دە بولاتىنى زاڭدىلىق. ەڭ باستىسى – دەننىڭ ساۋلىعى. تەزىرەك ساۋىعىپ، ورتامىزعا ورالىپ، وتاندىق بوكستىڭ دامۋىنا ۇلەسىڭىزدى قوسا بەرەتىنىڭىزگە سەنىم بىلدىرەمىن، – دەپ جازىلعان جەدەلحاتتا.
"ادىرنا" ۇلتتىق پورتالى
