الماتىنىڭ تۇركسىب اۋدانىنداعى بازاردان باسى تابىلعان ايەل ۆيچ ينفەكتسياسىمەن اۋىرعان.
بۇل تۋرالى مارقۇم ۋاقىتشا پانالاعان الەۋمەتتىك بەيىمدەۋ ورتالىعىنىڭ قىزمەتكەرى ىرىسكۇل قۇسايىنقىزى مالىمدەدى، دەپ جازادى "ادىرنا" ۇلتتىق پورتالى.
ەلدىڭ ەسىن ەكەۋ، ءتۇسىن تورتەۋ قىلعان قىلمىس 12 ساۋىردە بولعان ەدى. مارقۇمدى تانيتىن تۇركسىب اۋدانىنداعى دۇكەن ساتۋشىسى ايەلدىڭ باسسىز دەنەسىن شولوحوۆ كوشەسىندەگى ساياباقتان يت تاپقانىن ايتادى.
دەنە تابىلعان جەردە ءالى دە ۇيىعان قاننىڭ قالدىعى بار. ال ساتۋشى باس سالىنعان پاكەتتە قان بولماعان دەيدى.
زاڭگەر نۇرلان بايعازيننىڭ ايتۋىنشا، قاندى قىلمىستى قاسكوي الدىن الا جوسپارلاۋى مۇمكىن.
«ول ءىس-ارەكەتىنە جاۋاپ بەرەتىن ادام. ويتكەنى ءتۇرىن كورسەتپەدى، ەڭكەيىپ تۇردى. باس كيىمىن تومەن ءتۇسىرىپ العان. ول باستى جۋى كەرەك اپارىپ. ول ءۇشىن سۋ اعاتىن جەرگە نە ۇيگە اپارۋ كەرەك دەگەندەي. سونىڭ ءبارى قانشاما ۋاقىت قوي. باستى كەسۋ، جۋ، تازالاۋ، پاكەتكە سالۋ – ءبارىن ويلاستىرعان»، - دەيدى ول.
ايتا كەتەيىك، قاسكويدىڭ قولىنان قازا تاپقان ايەلدىڭ جاسى 47-دە. تۇرعىلىقتى جەرى جوق، بۇرىن ەسىرتكى قىلمىسى ءۇشىن بىرنەشە رەت سوتتالعانى ايتىلادى. 27 جاستاعى ءبىر قىزى بار. مارقۇمدى تانيتىندار ونىڭ كۇيەۋى دە تۇرمەدە وتىرعانىن، ءوزى ءۇيسىز، دالا كەزىپ جۇرەتىنىن ايتقان.
ول قازا تابارىنان شامامەن 4 اي بۇرىن الەۋمەتتىك بەيىمدەۋ ورتالىعىن پانالاعان. بۇل مەكەمەدە 3 اي تۇرىپ، قايتا شىعىپ كەتىپتى.
