جەتىسۋ وبلىسىنىڭ كوكسۋ اۋدانىندا جىلۋ قازاندىعى جارىلىپ، ءبىر جۇمىسشى قازا تاپتى. بۇل تۋرالى كوكسۋ اۋدانى اكىمدىگى ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
"1 ءساۋىر كۇنى ساعات 8:52-دە كوكسۋ اۋدانى قازاقستاننىڭ 10 جىلدىعى اۋىلىندا جالپى اۋدانى 22 شارشى مەتر جىلۋ قازاندىعى جارىلدى. اپات سالدارىنان وقيعا ورنىندا ءبىر جۇمىسشى قازا تاپتى", - دەپ ءمالىم ەتتى كوكسۋ اۋدانىنىڭ اكىمى مارلەن كولباەۆ.
قازا بولعان جۇمىسشى 58 جاستا. بەس بالاسى بار، بارلىعى ەرەسەك.
مالىمەت بويىنشا، جۇمىسشى جاڭادان سالىنىپ جاتقان مەكتەپكە بارىپ، جىلىتۋ قازاندىعى ورنالاسقىن عيماراتقا كىرگەن. كىرگەن ۋاقىتتا قازاندىق جارىلعان.
“قازىرگى ۋاقىتتا قاۋىپ جوق” ەكەنى ايتىلادى. جارىلىستىڭ سەبەبى انىقتالىپ جاتىر.
