تايلاندتىڭ بانگكوك قالاسى سىرتىنداعى حيميالىق زاۋىتتا جويقىن جارىلىس بولدى. ازىرگە 20-عا جۋىق ادامنىڭ زارداپ شەككەنى بەلگىلى، دەپ حابارلايدى "ادىرنا" ۇلتتىق پورتالى.
Bangkok Post گازەتىنىڭ حابارلاۋىنشا، جارىلىس جەرگىلىكتى ۋاقىت بويىنشا 02:50 شاماسىندا بولعان. زاۋىت اۋماعىندا التى قويما بولعان، ولاردا 50 توننا حيميالىق زاتتار ساقتالعان. جارىلىستىڭ ارتىنان ءورت بۇكىل فابريكانى جانە ءبىر شاقىرىم راديۋستاعى عيماراتتاردى شارپىدى.
اكىمشىلىك جاعىنان سامۋت پراكان پروۆينتسياسىنا جاتاتىن ايماق بانگكوكتاعى سۋۆانناپحۋمي حالىقارالىق اۋەجايىنان بىرنەشە شاقىرىم جەردە ورنالاسقان. جارىلىس تولقىنى جارىلىس ورنىنان ءبىر شاقىرىم راديۋستاعى ءۇي-جايلاردىڭ ەسىكتەرى مەن تەرەزەلەرىنىڭ جاقتاۋلارىنا دەيىن قيراتۋعا اكەلىپ سوقتىردى جانە حيميالىق زاۋىتتان ەكى-ەكى جارىم شاقىرىم راديۋستاعى تەرەزەلەردەگى اينەكتەر سىندى.
قازىر ءورت سوندىرۋشىلەر جالىندى باقىلاۋعا الدى، بىراق عيماراتتىڭ ۇستىنەن قارا ءتۇتىن بۇرقىراۋدا.
Fire factory chemical product Crash In Samut Prakan Near Suvarnaphumi Airport .Bombing At 3am This house approximate Damaged large-scale Officials are working to resolve the situation. #Thailand #ไฟไหม้โรงงานกิ่งแก้ว #Bangkok #explorsion pic.twitter.com/cYmBjWsGB9
— Roselynn M (@Roselynn_Noey) July 5, 2021
"ادىرنا" ۇلتتىق پورتالى
