وزبەكستاننىڭ ءاندىجان وبلىسىنداعى مەشىتتىڭ دارەتحانا بولمەسىندە گاز-باللون قوسپاسى جارىلىپ، سالدارىنان ءۇش ادام قازا تاپتى، تاعى 10 ادام جارالاندى. بۇل تۋرالى ەلدىڭ توتەنشە جاعدايلار مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، 31 ناۋرىز كۇنى ساعات 12:19-دا ءاندىجان وبلىسىنىڭ ىزباسقان اۋدانىنداعى مەشىتتە بولعان.
الدىن الا مالىمەت بويىنشا، 6 ازامات زارداپ شەككەن.
جارىلىس ناتيجەسىندە ءۇش ادام (م.ا.، ج.ا. جانە ب.ب.) قازا تاپتى، تاعى 10 ادام (گ.ت.، ا.ا.، ح.ز.، ي.ر.، م.م.، ي.ش.، ك.ك.، ۋ.ب.، م.ا. جانە م.ب.) جاراقاتتارمەن اۋرۋحاناعا جاتقىزىلدى.
سونىمەن قاتار، دارەتحانا بولمەسىنىڭ قابىرعالارى مەن شاتىر قۇرىلىمدارى بۇزىلدى.
وقيعا ورنىنا وبلىس اكىمىنىڭ ورىنباسارى، تجد، ءىىب، ۇلتتىق گۆارديا، دەنساۋلىق ساقتاۋ باسقارماسى جانە باسقا دا مەملەكەتتىك ورگانداردىڭ جاۋاپتى تۇلعالارى كەلىپ، اپات سالدارىن جويۋ جۇمىستارى جۇرگىزىلۋدە.
سونىمەن قاتار، وقيعا ورنىنا تج ءمينيسترىنىڭ ورىنباسارى اچيلباي راماتوۆ جانە تج ءمينيسترى بوتير قۋدراتحودجاەۆ كەلدى.
اتالعان فاكتى بويىنشا الدىن الا تەرگەۋ جۇرگىزىلۋدە.
