Osydan bir jyl buryn reseılik basqynshylardan bosatylǵan Ýkraınanyń Býcha qalasyna Eýropa kóshbasshylary keldi. Olardyń arasynda Moldova basshysy Maııa Sandý, úsh eldiń premer-mınıstrleri Edýard Geger (Slovakııa), Robert Golob (Slovenııa) jáne Andreı Plenkovıch (Horvatııa) bar, dep habarlaıdy "Adyrna" ulttyq portaly.
Moldova prezıdenti Maııa Sandý óziniń Ýkraınaǵa sapary jaıly Twitter-de habarlady.
"Moldova halqy álem jurtshylyǵymen qashan da birge. Biz Býchadaǵy beıbit turǵyndarǵa jasalǵan terrordy umytpaımyz. Jazyqsyz jan tásilim etken jandardy júregimizde saqtaımyz jáne qaıǵyra eske alamyz", – dedi Sandý.
Sonymen qatar, prezıdent demokratııalyq elderdiń mundaı qatygezdikterdi tergeý men jazalaýǵa aralasyp, birlesip jumys atqarýy kerek ekendigin atap ótti.
Moldova prezıdenti bir jyl buryn reseılik basqynshylardan bosatylǵan Býchı qalasynyń sýretin jarııalady. Sonymen qatar, qalaǵa prezıdent Vladımır Zelenskıımen birge Slovakııa Premer-Mınıstrleri Edýard Geıger, Slovenııa Robert Golob jáne Horvatııa Andreı Plenkovıch keldi.
"Adyrna" ulttyq portaly
