ماڭعىستاۋدىڭ ءىرى قۇرىلىس كومپانيالارى جەتىبايداعى جولدى جاۋىپ تاستاعان اۋىل تۇرعىندارىنا جۇمىس ۇسىندى

2853
Adyrna.kz Telegram

بۇگىن، 31 ناۋرىزدا "اليانس LTD", "اق جول قۇرىلىس", "ايكوم LTD" كومپانيالارىنىڭ باسشىلارى جەتىباي اۋىلىنداعى جولدى جاۋىپ تاستاعان اۋىل تۇرعىندارىمەن كەزدەسىپ، ولارعا ءوز كومپانيالارىنان جۇمىس ۇسىندى، دەپ حابارلادى "ادىرنا" ۇلتتىق پورتالى قاراقيا اۋدانى اكىمدىگىنىڭ ءباسپاسوز قىزمەتىنە سىلتەمە كورسەتە وتىرىپ.

قۇرىلىسشىلار ءارتۇرلى جۇمىس ورىندارىن ۇسىندى، مىسالى: جارتىلاي تىركەمە كولىگىنىڭ جۇرگىزۋشىسى، ەلەكتريك، دانەكەرلەۋشى، ۋچاسكە باستىعى، اسفالت توسەۋ ءماشينيسى، جەڭىل كولىك جۇرگىزۋشىسى، بۋلدوزەر ءماشينيسى، جۇك تيەگىش ءماشينيسى، جۇك كولىگىنىڭ جۇرگىزۋشىسى، تاس قالاۋشى، سىلاقشى، بەتونشى.

بوس جۇمىس ورىندارىنىڭ ەڭ تومەنگى جالاقىسى - 223 مىڭ تەڭگە، ەڭ جوعارى جالاقى-450 مىڭ تەڭگە.

"LTD اليانسىنىڭ" ديرەكتورى اسقار كەرەلباەۆتىڭ ايتۋىنشا ۇسىنىلىپ وتىرعان بوس جۇمىس ورىندارى تۇراقتى جۇمىس بولىپ تابىلادى، ويتكەنى ماڭعىستاۋدا قۇرىلىس ماۋسىمى ۇزاق.

- سىزدەرگە جۇمىس كەرەك ەكەنىن ەستىگەننەن كەيىن ءبىز تۇراقتى جۇمىس ورىندارىن ۇسىنىپ، كومەكتەسۋدى شەشتىك. بۇل جاقسى جۇمىس ورىندارى، ولاردىڭ كوپشىلىگىندە ارنايى ءبىلىم قاجەت ەمەس، بىلىكتىلىكتى ارتتىرۋعا دا كومەكتەسە الادى. ونىڭ ۇستىنە ءبىزدىڭ كومپانيالاردا ۆاحتالىق ادىسپەن جۇمىس ىستەۋگە بولادى، ءبىر ۆاحتا - 15 كۇن. نارىقتىق جالاقى الۋعا بولادى. وكىنىشكە وراي، مۇناي سالاسىنا بارلىق نيەت بىلدىرۋشىلەردى جۇمىسقا ورنالاستىرۋ مۇمكىن ەمەس، بىراق ءبىز سىزدەرگە ناقتى جۇمىس ۇسىنىپ وتىرمىز - دەدى اسقار كەرەلباەۆ.

وكىنىشكە قاراي، جينالعاندار ۇسىنىلعان بوس جۇمىس ورىندارىنان باس تارتىپ، تەك مۇناي سالاسىنا جۇمىسقا ورنالاسۋدى تالاپ ەتتى.

"ادىرنا" ۇلتتىق پورتالى 

پىكىرلەر