Bügın, 31 nauryzda "Alians LTD", "Aq jol qūrylys", "AIKOM LTD" kompaniialarynyŋ basşylary Jetıbai auylyndaǧy joldy jauyp tastaǧan auyl tūrǧyndarymen kezdesıp, olarǧa öz kompaniialarynan jūmys ūsyndy, dep habarlady "Adyrna" ūlttyq portaly Qaraqiia audany äkımdıgınıŋ baspasöz qyzmetıne sılteme körsete otyryp.
Qūrylysşylar ärtürlı jūmys oryndaryn ūsyndy, mysaly: jartylai tırkeme kölıgınıŋ jürgızuşısı, elektrik, dänekerleuşı, uchaske bastyǧy, asfalt töseu maşinisı, jeŋıl kölık jürgızuşısı, buldozer maşinisı, jük tiegış maşinisı, jük kölıgınıŋ jürgızuşısı, tas qalauşy, sylaqşy, betonşy.
Bos jūmys oryndarynyŋ eŋ tömengı jalaqysy - 223 myŋ teŋge, eŋ joǧary jalaqy-450 myŋ teŋge.
"LTD Aliansynyŋ" direktory Asqar Kerelbaevtyŋ aituynşa ūsynylyp otyrǧan bos jūmys oryndary tūraqty jūmys bolyp tabylady, öitkenı Maŋǧystauda qūrylys mausymy ūzaq.
- Sızderge jūmys kerek ekenın estıgennen keiın bız tūraqty jūmys oryndaryn ūsynyp, kömektesudı şeştık. Būl jaqsy jūmys oryndary, olardyŋ köpşılıgınde arnaiy bılım qajet emes, bılıktılıktı arttyruǧa da kömektese alady. Onyŋ üstıne bızdıŋ kompaniialarda vahtalyq ädıspen jūmys ısteuge bolady, bır vahta - 15 kün. Naryqtyq jalaqy aluǧa bolady. Ökınışke orai, mūnai salasyna barlyq niet bıldıruşılerdı jūmysqa ornalastyru mümkın emes, bıraq bız sızderge naqty jūmys ūsynyp otyrmyz - dedı Asqar Kerelbaev.Ökınışke qarai, jinalǧandar ūsynylǧan bos jūmys oryndarynan bas tartyp, tek mūnai salasyna jūmysqa ornalasudy talap ettı.
"Adyrna" ūlttyq portaly
Ūqsas jaŋalyqtar
