ءوز قىزمەتىن اسىرا پايدالانعانى ءۇشىن جازىقتى بولعان الماتىداعى ۇلتتىق قاۋىپسىزدىك كوميتەتىنىڭ بۇرىنعى باسشىسى 6 جىلعا سوتتالدى. ول المالى اۋداندىق سوتىنىڭ ۇكىمىمەن بيلىك جانە لاۋازىمدىق وكىلەتتىكتەرىن اسىرا پايدالانعانى ءۇشىن كىنالى دەپ تانىلدى. سوتتىڭ مۇنداي ۇكىم شىعارۋىنا تىكەلەي قاڭتار وقيعاسىنىڭ قاتىسى بار، دەپ حابارلايدى "ادىرنا" ۇلتتىق پورتالى.
بۇرىنعى ۇلتتىق قاۋىپسىزدىك كوميتەتى دەپارتامەنتىنىڭ باسشىسى م. قر قىلمىستىق كودەكسىنىڭ 362-بابى 4-ءبولىمى بويىنشا 10 جىلعا مەملەكەتتىك قىزمەتتە، جەرگىلىكتى ءوزىن-ءوزى باسقارۋ ورگاندارىندا، قارجى ۇيىمدارىندا لاۋازىمدى قىزمەت اتقارۋ قۇقىعىنان، سونداي-اق ۇقك گەنەرال-مايورى ارنايى اتاعىنان ايىرىلدى. سوت 6 جىلعا باس بوستاندىعىنا بۇعالىق سالدى.
سوت ۇكىمى زاڭدى كۇشىنە ەنگەن جوق.
نەگىزىنەن العاندا الماتى ۇقكد ەكس-باستىعى ول ءبىر جىلدان استام ۋاقىت بويى تەرگەۋ يزولياتورىندا بولعان. ول 2022 جىلدىڭ 5 قاڭتارىندا، قاڭتار وقيعاسى كەزىندە، وتباسىن الىپ، الماتىدان كەتىپ قالعان. سونىمەن قاتار، ۇقكد-نىڭ بارلىق قىزمەتكەرلەرىن تاراتىپ، ۇيلەرىنە قايتۋعا بۇيرىق بەرگەن.
ورايى كەلگەندە ايتا كەتەيىك، كەشە تۇركسىب اۋدانىنىڭ سوتىندا الماتى اۋەجايى جەلىلىك پوليتسيا ءبولىمىنىڭ بۇرىنعى باستىعى تالعات تالىپوۆقا قاتىستى دا سوت ۇكىمى شىقتى.
ول قاڭتار وقيعاسى كەزىندە بيلىك پەن لاۋازىمدىق وكىلەتتىلىگىن اسىرا پايدالانعانى ءۇشىن كىنالى دەپ تانىلدى. سوت قازىسى سوتتالۋشىنى 5 جىل مەرزىمگە مەملەكەتتىك قىزمەتتە بەلگىلى ءبىر لاۋازىمداردى اتقارۋ قۇقىعىنان، سونداي-اق 6 جىلعا باس بوستاندىعىنان ايىرۋ جازاسىن تاعايىندادى. بۇدان بولەك ول پوليتسيا پودپولكوۆنيگى اتاعىنان ايىرىلدى.
"ادىرنا" ۇلتتىق پورتالى
