10 قازان كۇنى ۆارشاۆادا وتكەن ەقىۇ/دياقب ادام ولشەمى جونىندەگى كونفەرەنتسياسىنىڭ پلەنارلىق وتىرىسىندا نەگىزگى تالقىلاۋ تاقىرىبى دەموكراتيالىق زاڭ شىعارۋ تاجىريبەسىنە ارنالدى.
«ۇلتتىق كاسىبي الەۋمەتتىك قىزمەتكەرلەر اليانسى» قوعامدىق بىرلەستىگىنىڭ جەتەكشىسى دينارا ەسيموۆا ۇەۇ-دىڭ زاڭ شىعارۋ پروتسەسىنە قاتىسۋىنىڭ جارقىن ۇلگىسى رەتىندە سەنات جانىنداعى جاس ساراپشىلار كلۋبى مەن “تالداۋشىلار مەكتەبى” جوبالارىن اتاپ ءوتتى.
«مەن “تالداۋشىلار مەكتەبىنىڭ” ەكىنشى لەگىندە مەنتور رەتىندە جۇمىس ىستەدىم، قازىر بۇل مەكتەپتىڭ بەس لەگى بار. ول كەزدە مەن ينكليۋزياسى بار ادامداردى الەۋمەتتەندىرۋ جانە جۇمىسپەن قامتۋ ماسەلەلەرىمەن اينالىساتىن ءبولىمدى باسقاردىم. بۇل باستاما قازاقستان سەناتىنىڭ قولداۋىمەن جۇزەگە استى. بۇل — ەلىمىزدەگى دەموكراتيالاندىرۋدىڭ ناقتى مىسالى. ءبىز ءوز قاجەتتىلىكتەرىمىز تۋرالى اشىق ايتۋعا مۇمكىندىك الدىق»، — دەدى ساراپشى.
سونداي-اق، ول سوڭعى ەكى جىلدا پارلامەنت ءماجىلىسى جانىنداعى جۇمىس توبىنىڭ مۇشەسى رەتىندە وتباسىلىق تۇرمىستىق زورلىق-زومبىلىقتى تىيىم سالۋ تۋرالى زاڭدى تالقىلاۋعا قاتىسقانىن اتاپ ءوتتى.
«بۇدان بولەك، مەن ۋنيۆەرسيتەتتە الەۋمەتتىك جۇمىس پانىنەن ساباق بەرەمىن جانە وسى سالاداعى جۇيەنى جەتىلدىرۋ بويىنشا ۇسىنىستار ازىرلەدىم. بىزدە الەۋمەتتىك قىزمەتكەرلەر قاۋىمداستىعى بار، جانە ءبىز دەپۋتاتتارعا ناقتى ۇسىنىستارىمىزبەن كومەكتەسەمىز»، — دەپ قوستى دينارا ەسيموۆا.
