تالدىقورعان قالاسىنداعى نازارباەۆ زياتكەرلىك مەكتەبىنىڭ وقۋشىلارى جاراتىلىستانۋ-ماتەماتيكالىق پاندەر بويىنشا رەسپۋبليكالىق وليمپيادانىڭ جەڭىمپازدارى اتاندى.
وليمپيادا 20-25 ناۋرىز ارالىعىندا شىمكەنت قالاسىندا ءوتتى. جەتىستىكتەر قورى بۇل جولى 4 مەدالمەن تولىقتى: التىن، كۇمىس، ەكى قولا.
10-سىنىپ وقۋشىسى اقجول بولات گەوگرافيا پانىنەن التىن مەدالعا يە بولدى. اقجول ءۇشىنشى جىل وليمپيادالىق قوزعالىسپەن اينالىسادى. رەسپۋبليكالىق پاندىك وليمپيادادا اقجول ەكىنشى جىل قاتارىنان جۇلدەگەر اتانىپ وتىر. ايتا كەتسەك، 2022 جىلى «قازاقستان ءبىلىم وليمپياداسىندا» دا التىن مەدال العان بولاتىن.
ينفورماتيكا سەكتسياسىندا 11-سىنىپ وقۋشىسى نۇرسۇلتان ەرلانۇلى ءىى ورىندى يەلەندى. جەتىستىكتەر تىزىمىندە نۇرسۇلتاننىڭ حالىقارالىق جاۋتىكوۆ وليمپياداسىنان كۇمىس جۇلدەسى دە بار.
ءۇشىنشى ورىندى 12-سىنىپ وقۋشىسى سانجار تۇرعانبەك يەلەندى.
سانجار – بولاشاق IT-مامان، سەگىزىنشى سىنىپتان باستاپ ينفورماتيكادان وليمپيادالىق رەزەرۆتە بولعان، جاۋتىكوۆ اتىنداعى رەسپۋبليكالىق وليمپياداسىنىڭ جەڭىمپازى. جوعارى وقۋ جەتىستىكتەرىنىڭ ارقاسىندا وتكەن جىلى اقش-تا، ماسساچۋسەتس تەحنولوگيالىق ينستيتۋتىندا (MIT) جازعى ءتىل كۋرستارىنان ءوتتى.
ماتەماتيكادان 11-سىنىپتىڭ دارىندى وقۋشىسى ءامىر ءابدىلدين قولا جۇلدەگەر اتاندى. ءامىر اتاقتى وليمپيادا جاتتىقتىرۋشىسى، شەبەر سەرگەي پوليانسكيدىڭ شاكىرتى.
جاراتىلىستانۋ-ماتەماتيكالىق باعىتتاعى پاندەردەن رەسپۋبليكالىق وليمپيادانىڭ قورىتىندىسى بويىنشا بەسىنشى رەت «نازارباەۆ زياتكەرلىك مەكتەپتەرى» دببۇ قۇراماسى ەلىمىزدىڭ «ەڭ ۇزدىك وليمپيادالىق كومانداسى» دەپ تانىلدى.
بارلىق جۇلدەگەرلەر مەن جەڭىمپازداردى، سونداي-اق ولاردىڭ جەتەكشىلەرى ناعيما راحمانوۆا، سەرگەي پوليانسكيح، تاسقىن بەگۋنگۋتوۆتى جەتىستىكتەرىمەن قۇتتىقتايمىز!
