قازاقستاندىق دانيار قايسانوۆ توكيو وليمپياداسىنىڭ ەركىن كۇرەس جارىسىندا العاشقى قارسىلاسىنان باسىم ءتۇستى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.
74 كەلىگە دەيىنگى سالماقتا سىنعا تۇسەتىن دانيار قايسانوۆ 1/8 فينالدا جاپونيا چەمپيونى كەيسۋكە وتوگۋرومەن كەزدەسىپ، جەڭىسكە جەتتى.
28 جاستاعى دانيار قايسانوۆ 2019 جىلى ازيا چەمپيونى اتانىپ، سول جىلى الەم چەمپيوناتىندا قولا مەدال يەلەنگەن. بىلتىر دا قۇرلىقتىق جارىستا توپ جارعان.
ەسكە سالايىق، قازىر قازاقستان قورجىنىندا ءتورت مەدال بار. بۇعان دەيىن دزيۋدوشى ەلدوس سمەتوۆ، اۋىراتلەتتەر يگور سون مەن ءزۇلفيا چينشانلو قولا مەدال يەلەنگەن بولاتىن. ال كەشە بوكسشى قامشىبەك قوڭقاباەۆ تا جارتىلاي فينالدا جەڭىلىپ، قولا جۇلدە العان ەدى.
