NIS oqýshylary eń úzdikter qatarynda

7656
Adyrna.kz Telegram

Taldyqorǵan qalasyndaǵy Nazarbaev Zııatkerlik mektebiniń oqýshylary jaratylystaný-matematıkalyq pánder boıynsha respýblıkalyq olımpıadanyń jeńimpazdary atandy.

Olımpıada 20-25 naýryz aralyǵynda Shymkent qalasynda ótti. Jetistikter qory bul joly 4 medalmen tolyqty: altyn, kúmis, eki qola.

10-synyp oqýshysy Aqjol Bolat geografııa páninen altyn medalǵa ıe boldy. Aqjol úshinshi jyl olımpıadalyq qozǵalyspen aınalysady. Respýblıkalyq pándik olımpıadada Aqjol ekinshi jyl qatarynan júldeger atanyp otyr. Aıta ketsek, 2022 jyly «Qazaqstan bilim olımpıadasynda» da altyn medal alǵan bolatyn.

Informatıka sekııasynda 11-synyp oqýshysy Nursultan Erlanuly II oryndy ıelendi. Jetistikter tiziminde Nursultannyń halyqaralyq Jáýtikov olımpıadasynan kúmis júldesi de bar.

Úshinshi oryndy 12-synyp oqýshysy Sanjar Turǵanbek ıelendi.

Sanjar – bolashaq IT-maman, segizinshi synyptan bastap ınformatıkadan olımpıadalyq rezervte bolǵan, Jáýtikov atyndaǵy respýblıkalyq olımpıadasynyń jeńimpazy. Joǵary oqý jetistikteriniń arqasynda ótken jyly AQSh-ta, Massachýsets tehnologııalyq ınstıtýtynda (MIT) jazǵy til kýrstarynan ótti.

Matematıkadan 11-synyptyń daryndy oqýshysy Ámir Ábdildın qola júldeger atandy. Ámir ataqty olımpıada jattyqtyrýshysy, sheber Sergeı Polıanskııdiń shákirti.

Jaratylystaný-matematıkalyq baǵyttaǵy pánderden respýblıkalyq olımpıadanyń qorytyndysy boıynsha besinshi ret «Nazarbaev Zııatkerlik mektepteri» DBBU quramasy elimizdiń «Eń úzdik olımpıadalyq komandasy» dep tanyldy.

Barlyq júldegerler men jeńimpazdardy, sondaı-aq olardyń jetekshileri Naǵıma Rahmanova, Sergeı Polıanskıh, Tasqyn Begýngýtovty jetistikterimen quttyqtaımyz!

 

Pikirler